《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2020年4月7日
中國武漢爆發疫情初期，好多網民悼念吹哨人——李文亮醫生，結果政府拉嘅拉、封號嘅封號；幾日前官方忽然宣布悼念疫情死難者，全部網站冇晒colour，網上遊戲都停埋！咁點解之前唔悼念得，後來又得呢？認真矛盾啫！
中國文化實在充滿矛盾，好多警世之言自打嘴巴，好似君子報仇十年未晚，但又有冤冤相報何時了，或冤家宜解不宜結，究竟應唔應該報呢？又好似唔見棺材唔流眼淚，達聞西就即刻想起呢句：船到橋頭自然直。
正所謂日久見人心，疫情就睇到好多人嘅真實一面，美國班主亨利持有嘅利物浦，居然參與政府嘅無薪假資助計劃，員工八成人工由政府埋單。咁冇膊頭嘅行為，連自己球迷會都去信要求解釋。
阿茂都知利物浦首會歌係You'll Never Walk Alone，背後精神係唔理順流定逆流，球隊上下都要攜手向前，贏一齊贏、輸一齊輸。呢場疫情大戰一開波，利物浦居然露出對A字膊，你叫班球迷情何以堪啊？
英國紙媒亦合力炮轟紅軍，《衞報》直斥紅軍貴為球壇第七富有球會，全隊一年人工就3.1億鎊，舊年齋經理人佣金都成4300萬鎊，使唔使好似財政緊張嘅紐卡素同熱刺咁，伸手問政府要啊！知唔知個醜字點寫㗎？
曼城揹全家
最羞家係曼城、曼聯都唔使政府資助，紅軍未來幾年實畀死對頭紅魔球迷恥笑，於是球迷會去信反對，話畀全世界聽：「球隊唔代表我。」講真，球壇係細水長流嘅，傳統豪門點都要留返多少風度同尊嚴，唔係就算贏開巷都冇人會畀面。
全世界都陷入危機，各行各業備受衝擊，如果個個都hea住等政府打救，你估會唔會好快回復正常呢？利物浦作為當今最出類拔萃嘅球隊，順境時就講團隊合作，逆境時就擰歪面扮唔關我事，點講得過去啊？
本來呢，達聞西都覺得呢季英超如果取消，領先25分嘅利物浦冇得捧盃會好慘，但經過呢件事覺得不如取消算鬼數！佢哋場上一套，場外就另一套，咁虛偽一定要畀啲懲罰，等你唔好三分顏色就上大紅啊！
放大圖片 / 顯示原圖
訂戶登入
