2018年7月13日
剛話19樓好清靜,看更就話我知19B來了個新住客。
我好奇,但又不能問好想問的問題:「靚唔靚呀?」
始終在看更阿嬸面前,我都要保持一個高級知識分子的形象,不能太八卦。
點知,嬌姐(即看更阿嬸)果然閱人無數。她特意引導我問:「你見過未?」
我一個單純宅男,當然好易上當,搖搖頭。
「咁等你自己有機會見下啦。」跟着笑笑口行開。
雖然我和牛仔suppose都是朝九晚五,又住在隔鄰,但平均一個月見不到一次。作息時間不同嘛!
根據嬌姐資料,牛仔通常5:15-5:30am出門跑步,6:45左右回來,7:15-7:30am上班。而我呢,嬌姐話,則會在8:45am好匆忙地出門朝中環行人電梯方向跑過去。
當嬌姐值夜班時,她通常見到牛仔9點左右抽着個飯盒回來。而我就通常10點至11點hea吓hea吓寒着背地回來。而嬌姐又通常會話:「年輕人,挺起胸膛好唔好,寒住背好肉酸!」因為她年輕時在內地是個舞蹈員。
唔知點解,我覺得嬌姐都是有意無意地問是將我和牛仔比較,是否我諗多咗。
Anyway,自從嬌姐提了一提,我近來回家時都會靜靜地在19B門口聽聽動靜。有一兩回,我聽到牛仔在笑,是真開心的笑聲,好逗人的語調:「Hey,唔可以咁呀,要乖……」但出自牛仔口中,令我毛管戙。
牛仔經歷過Joyce的betrayal之痛,今回可能想找回一些單純初戀的感覺。我真想知道,Joyce走後,這位新來的住客會是怎樣的質素。
但為何陳師奶如此手軟不利用這位「新住客」來踩自己個仔?當中一定……
訂戶登入