2021年5月18日
港股跟隨外圍回升,恒指昨高開102點,早段曾漲240點,其後升幅一度收窄至不足50點,之後全日大部分時間窄幅上落,收市進賬166點,收報28194點,大市成交總額1456億元。
恒指反彈,出第二支陽燭,再稍升數十點即觸及10天線,但無改平均線排列及組合,上方平均線28300至28695點阻力仍然相當大,雖然僅距幾百點,但要一舉突破並不容易。當然,技術指標差劣早已寫在圖表,必然吸引到大量淡倉入市,因此近兩日挾淡倉也是順理成章,挾完才會再跌過。
個別股份方面,本來金融股相當強勢,可是友邦(01299)高開低收,似乎見了短期頂位,是超短線回吐抑或反彈完成要再睇睇。滙控(00005)及恒生(00011)都未有明確方向,內銀股開始回勇,不過只能算是弱勢反彈,未有充足的值博率。
阿里今明兩日吼位造淡
美團(03690)自低位略升,但僅是首日反彈,騰訊(00700)連續見兩支陽燭,炒科技股要有主觀睇法,不能見升睇升,見跌睇跌,而且本周將有一堆科技巨企公布業績,股價變化或相當大,筆者當然睇淡為主,可以落細注博業績,等業績真係唔得至加注。
阿里巴巴(09988)是很好的例子,業績差但績前已炒定,反而低位有反彈,昨日見升唔起已可以加注Put,裂口應該補不回了,今明兩日仍可吼位入市Put。電動車股比亞迪(01211)、吉利(00175)及長汽(02333)分別因國策而造好,由於早幾日才有大摩出報告睇長汽未來15日跌,因此是次回彈會是上佳的造淡機會,莫要因升而轉軚。
放大圖片 / 顯示原圖訂戶登入
下一篇: | 京東物流辛苦錢唔易賺 |
上一篇: | 道指破升軌後抽 恒指現死叉 |