2020年9月28日
各位「巴打」,新冠肺炎病毒持續肆虐,日常生活模式呈現重大改變,戴口罩、勤洗手、叫外賣、網上購物等等現時已成為港人的must do items。「高仁指點」話你知,疫情之下,上市公司也出現一些罕有的買賣,本文將會揭開當中千奇百怪的一面。
戴孤劃:新冠肺炎疫情衝擊,咱們企業資金周轉可能有一些困難,有什麼方法可以渡過難關呢?
高 仁:戴Sir可以學吓本港上市公司咁,以一些較為罕有嘅資產交易,套現資金周轉一下。
戴孤劃:有什麼特別的交易?快說來聽聽吧!
程更計:我都知道呀。最近,藍鼎(00582)出售一架龐巴迪環球6000型飛機俾I3P(Independent 3rd Party,獨立第三者),套現1887.5萬美元(約1.47億港元),主要用作償還貸款,餘額就作為一般企業用途。
高 仁:但按呢架飛機嘅賬面淨值約1.81億元計,呢單deal預期都要蝕大概3400萬元左右。
戴孤劃:藍鼎不是航空公司,竟然擁有一架飛機,到底搞乜鬼呀?
高 仁:哈哈!藍鼎主要喺南韓濟州開綜合度假區,包括賭場、酒店、會議中心、主題公園、餐飲、零售、房地產開發等等,呢架飛機原先係用嚟接載high net worth嘅客戶,以提升效率同競爭力。勁唔勁?
程更計:不過,一場肺疫,各個國家幾時再通關都未知,賣飛機可以減少保養同管理的經營成本,相信有助改善財務狀況。
戴孤劃:除了飛機之外,上市公司還有什麼特別的資產可以套現?
急售遊艇減開支
高 仁:當然有。易還財務投資(08079)早前向I3P出售一艘2006年建造、總長25.07米的船舶,代價50萬美元(約390萬港元),預料虧損122.5萬元。睇番之前嘅公告,估計呢隻「船舶」係一艘遊艇嚟。
戴孤劃:「財仔」買遊艇係咩玩法?
程更計:公司當時話,該艘遊艇是造福員工嘅福利資產。但時移世易,公司而家就話,出售遊艇可以每年節省開支約200萬元,認為係有利之舉。
高 仁:上市公司擁有一艘遊艇都時有所聞,是否正常則言人人殊;但遊艇亦可以作為董事或高管嘅傾生意及社交應酬地方,都可以話有一定程度嘅business purposes。
程更計:但以香港現行市況同整體經濟環境,上市公司都係以出售呢啲特別資產套現為主,華建控股(00479)再之前就以536萬元出售咗一艘遊艇。
高 仁:無論賺定蝕,遊艇同汽車基本上都係一樣,折舊(depreciation)會按估計可使用年期以直線法(straight-line)計提,從而撇銷其成本資產。一般嚟講,折舊年率可能達到20%,賬面價值會跌得好快。
戴孤劃:原來如此。
本欄逢周一刊出
如想與高仁交流上市公司的財技個案及招數,請電郵至[email protected]。
訂戶登入
下一篇: | 氣候變化目標與經濟復甦關係 |
上一篇: | 廣義貨幣增長速 推動傾向持股票 |