熱門:

2018年6月20日

邱古奇 股期出擊

中美玩鬥大 撈貨勿心急

中國一還手,侵侵再出招,揚言要對2000億美元進口中國商品加徵10%關稅,北京聲言強力反擊。中港股市應聲狂瀉,恒指跌841點,收報29468點。

中美雙方玩鬥大,好比兩個狂人極速開林寶,作勢迎頭互撞,邊個膽怯扭軚閃避就輸。老特思想特別,唔似識驚;習大大背負民族包袱,唔可以驚。投資者最緊要自己識驚,唔清貨都要減磅。國指跌穿250天線(11711點),2016年牛市起步至今的長期升軌也失守,如果月內不能重返其上,國指隨時同牛市拜拜。恒指好些少,雖跌穿自2月的上升軌,總算險守250天線(29251點),這條所謂牛熊線自2016年7月升破以來從未失守,今次跌近,就算最終未必守穩,斷估總有反彈,惟值博率未必太大。

從月線圖睇,恒指於2016年12月低位21488點起步,一口氣升到今年1月歷史新高33484點,累升11996點,若調整這段升浪的0.382倍黃金比率,目標在28902點,距現價566點;如果唔好彩調整0.5倍,就要落到27486點,距現價達1982點。所以撈貨勿心急,睇定再算。

昨日提到部署SP滙控(00005)及LP建行(00939),暫時未開倉,建行跌近250天線,追沽冇着數,等反彈至10天線做第一注,彈到20天線做第二注,勝算會較高。滙控跌穿75元,但Short Put 7月72.5元行使價,期權金只約6毫,息率唔夠1厘,唔吸引,等股價跌近73元再諗。

睇淡大市又唔想玩期指或股指期權,可考慮Long Put盈富(02800)。盈富亦跌近250天線,此際Long Put風險較高,昨日有個大型下跌裂口,可候補回部分才開倉。當然,博反彈亦可用股票期權Long Call,好處係交易費用便宜,而且輸幾多大致可控,唔似揸期指瞓醒可以唔見一大截。不過,此刻Long期權要留意一點,如果引伸波幅收窄,有機會睇中方向都要輸。

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads