熱門:

2018年5月14日

方卓如 方如玉帥

手機未來殺着

政府研究緊開徵空置稅,發展商話就算成事,都唔會影響賣樓步伐。好明顯,空置稅同其他辣招一樣,只會推高樓價,唔會做到理想中的供應增加,為樓價降溫。新加坡有空置稅,外資地產商起完樓,需限時售罄,否則要罰錢。

香港賣樓,未起好已經賣樓花,稱之為貨尾單位嘅,隨時都係未起好。起好咗而唔急住賣嘅貨尾,必定係因為樓價節節向上,發展商又唔等錢使,所以先會惜售。呢類貨尾,你開徵銷售稅,大不了發展商再賣貴啲,絕對唔會因為怕徵稅而急賣推冧市場。

查實大型發展商一向貨如輪轉,大把項目,根本唔需要囤積,樓價點升都繼續有貨賣。只有那些中型發展商,地皮唔多,賣一件就少一件,佢哋惟有慢慢賣。至於發展商手上靚地段樓盤,擠牙膏式賣樓,逐間逐間賣,你推空置稅又可以嚇到佢哋要急賣?

華為手機將會預設Bitcoin銀包,相信未來手機都會有虛擬貨幣銀包內置。如果你未玩過虛擬貨幣,銀包其實等於你銀行戶口,而手機就等於你張提款卡。虛擬貨幣嘅銀包可以係跟手機,唔見咗手機就唔見晒啲貨幣,除非你有保存seed phase,否則你不能重啟銀包,身家化為烏有。手機內置銀包,換同廠機可以快速銀包貨幣過戶,是未來殺着。

虛擬貨幣或係中國發揚光大

如何安全地令手機入面貨幣不會被偷,若遺失手機如何可以簡單由機主認回貨幣,是目前一大難題。加密貨幣是手機的killer app,由華為行出第一步,證明區塊鏈雖非中國人發明,但應用層面上,中國人總可以行多一步。情形就似互聯網,雖非中國人發明,但應用層面,中國人諗得仲先進。而用互聯網做生意,中國人更加發揚光大。

中國禁止ICO,但沒有禁止區塊鏈。唔好以為虛擬貨幣在中國冇前途,未來用得最出神入化嘅,都會係中國。

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads