2021年8月9日
自2017年收購美國西岸地皮以來,Crystal原本港美兩邊飛,可是一場新冠疫情,令她近兩年被迫「滯留」美國,到今年6月德林轉型後召開首次股東大會,作為主席的她才不得不返港捧場。捱過14天隔離期、出席完股東大會後,又再匆匆回美繼續拚搏,「呢兩年係好focus(專注)嗰邊(地產)項目,期間先生(Andy)嚟探過我同啲仔女兩次,每次返嚟都要隔離,佢話好難頂。」
長居美國也有意外收穫,就是多了時間與一對在當地讀書的子女相處,「我真係唔算好稱職嘅媽媽,以往花太多時間喺公司,好少陪佢哋。」
談到對下一代期望,她形容12歲長女性格較理性務實,更似是自己的「戰略夥伴」,「佢好細個我已經帶佢返公司,所以佢基本上對公司、對同事都好熟悉,會畀好多意見我,例如話邊個女同事條裙太短,做finance應該莊重啲。」
至於11歲幼子,Crystal打趣說「懵懵地、但好sweet」,性格相當感性,在三藩市街頭見到露宿者,內心會不安樂,「佢個heart係好warm,會問我點解啲人咁慘,我話各有原因啦,所以你要讀好啲書,將來幫下佢哋。」她笑言女兒將來應可做企業管理,兒子則較適合從事慈善公益,那誰更像她?Crystal笑言各有一半:「個女自我要求好高,呢方面幾似我同我先生。」
放大圖片 / 顯示原圖訂戶登入
下一篇: | 夫婦攜手創業 分工互尊重 |
上一篇: | 勇字派隻身赴美 投資加州房產 |