2023年1月16日
「我冇手機冇微信,又唔畀我手寫填健康申報!」昨日香港高鐵站禁區內呈報健康申報櫃台前有大批長者,他們不滿內地當局規定必須用內地軟件「微信」申報健康。
「年輕人就話有微信,我70幾歲人邊有,我同啲人員講,佢哋只係話一定要用電子,冇其他方法。」麥婆婆稱最後她要借用朋友手機代輸入個人資料及截圖,才能通過,整個過程足足30分鐘。
「我唔會再想搭高鐵,除非解決問題,如果內地硬要用電子申報先可以返大陸,我寧願唔返。」麥婆婆稱8個口岸只有高鐵是硬性必須「微信」申報,其他如落馬洲等均設人工通道,可紙本呈交申報。
昨日有旅行團因為團友不諳手機操作令健康申報需時,結果未能乘坐早上8時01分往廣州東的首班車。
南下客離站要「過6關」
另有市民不滿昨「南下」列車抵達西九龍站,乘客下車至離開車站,當中經歷約6個「關卡」,形容相當擾民,需時近一小時,「比搭飛機仲要麻煩,先要用微信申報健康、之後查核酸、再二維碼過機申報健康、回鄉證過關、香港身份證過關,最後一步仲要攞返張回鄉證出嚟查返車票紀錄先走得。真係好煩。」
訂戶登入