2022年12月22日
「最憎清理啲人隨街亂掉嘅煙頭,同埋清潔醉酒大漢啲嘔吐物,每次見到我都想嘔。啲煙頭,我要用手逐粒逐粒咁執,再放落垃圾袋,好核突。」今年70多歲的彭婆婆在太子區任外判街道清潔工多年,每朝6點左右開工,下午約4時下班,月薪萬多元。她昨接受本報訪問稱,最怕聖誕及元旦假期後街上堆積大量垃圾情景,「如個個守規,將垃圾掉垃圾桶就好,但冇乜人咁有公德心。」
被問工作環境有什麼需改善?她直言不被人「蝦」已經好好。「我70幾歲,有工做已好好,明知有好多唔公平,例如畀判頭剝削,畀市民白眼,但我冇錢要打工,唯有啞忍。」
調查:垃圾站工作環境最差
目前,政府正就《預防工作時中暑指引》諮詢文件向團體進行諮詢,消息謂有關指引關注的戶外工人除地盤工外,還包括長期戶外工作的外判清潔工,預計指引明年中實行。
清潔工人職工會過去2個月到訪各區垃圾站,訪問200名食環署外判清潔工,以問卷收集他們對裝備、垃圾站環境等意見,亦對其中6個垃圾站清潔工就垃圾站設計深入探討,結果逾八成受訪者指垃圾站無空間短暫休息;近半表示無晾衫空間,被迫將工衣拿回家清洗,增加家人感染細菌風險;普遍希望增撥物資如掛頸風扇、防曬手袖及購飲用水津貼等。
「得唔到適當尊重」
該會組織幹事梁芷茵指,外判清潔工工作環境惡劣,尤其酷熱下問題更惡劣。「有工人反映話做足一日後身水身汗,但得唔到適當尊重,佢哋只希望有少少乾淨空間休息,正如辦公室有茶水間,但佢哋冇,另外,佢哋希望有空間畀佢哋洗衫,唔好將一陣垃圾味嘅衫同家人啲衫一齊洗,政府都未做到。」她說即使目前市民以為垃圾站有提供空間給外判清潔工休息是假象,「垃圾站係放垃圾,冇間隔畀清潔工休息,有都係工友執返嚟,垃圾車係會清走。」
訂戶登入
下一篇: | 單日50人疫歿 8個月來新高 |
上一篇: | 名牌乜都有 清酒之王搶眼 |