2019年7月22日

醫管局梁栢賢榮休「拆彈專家」難忘沙士

醫院管理局行政總裁梁栢賢（PY Leung）工作至月底，8月1日起退休。在公營醫療系統34年的他形容自己「一生人都係環繞着應急同危機處理」。何解？從1996年出任衞生署助理署長，到2010年當上醫管局總裁，期間出現無數食物衞生問題和醫療事故，他都有份「拆彈」，最難忘是2003年沙士一役，當年負責指揮封鎖重災區淘大花園，安排居民搬遷往度假營，還有每日開記者會交代疫情進展，至今仍歷歷在目。

PY是政府醫療系統的「拆彈專家」，問到近月香港因反對修訂《逃犯條例》引起的社會危機，應如何拆彈時，他指以前的危機與現在很不同，「第一個係scale（規模）唔同，第二，我哋有清晰嘅目標、目的點處理，但係而家嘅情況真係複雜好多……我哋以往處理crisis（危機），舉例醫療事故咁簡單，第一樣要知道點解事情會發生？原因係咩？呢樣好重要，然後就係點樣去交代。」

談修例不想有人受傷

他說︰「而家香港環境從醫管局（角度）睇好難分析，因為呢個係比較高層次嘅問題。」並坦言現在最擔心的是：「如果一些大型衝突有人受傷，甚至用一啲燃燒物品令好多人受傷，係最唔想見，就算係警察，或者示威人士，好多都係年輕人，諗到佢哋受傷係一啲永久性嘅傷害，最唔想睇到。」他希望事件盡快得到解決。

對於有網民指有示威者在沙田威爾斯親王醫院求診時，因被當值醫護人員洩露資料而被捕，PY予以否認：「冇咁嘅事，如果有真實具體個案，我哋會跟進同調查。」問到現在最大憂慮，會否是市民受傷也不敢到醫院求診？PY說：「係擔心嘅，亦都唔希望見到，我哋嘅職責就係救人，如果佢係需要服務，而因某種原因嘅擔心，唔接受服務延誤醫治，我哋係唔想見到。」他補充︰「前線醫護人員對病人私隱知道分寸喺邊，嚟睇症問多兩句點受傷，因為對治療有幫助，多問少問係好專業判斷，最重要係點樣醫好個病。」

寄語接班者：智慧在民間

拆彈專家背後壓力也不少，PY自言每逢發生醫療事故，晚上就會失眠，因想到第二天要向公眾交代，壓力便很大；不過，自從一位神父跟他說︰「你咪好似醫院交更咁，將事情交畀天父睇住先，畀自己好好瞓一覺，起身再處理。」自始他就安心睡覺了。

至於醫護界工作前景，PY承認2010年上任現職時，已有人手少、士氣低及工時長問題，到今日仍未解決，但情況有改善，也有實行連串措施，他謂：「例如5年可升做顧問醫生，護士懷孕32周唔使當夜班等。」又指雖然未必處理到人手供應，但至少加強待遇及福利，以及認同前線困難，讓同事看到醫護界未來有前景。

回顧人生上半場，如何評價自己的工作表現？他說應由工作夥伴「畀分」，笑言自己「唔一定好高分，好有信心合格」，又謂：「錯誤嘅決定其實日日都有，但我哋錯得快就改得快。」對於有何寄語給接班人高拔陞，PY稱︰「不一定要跟足前人，要用自己本質做管理，建立與同事間的信任，多接觸前線。」其後加多一句「智慧在民間」。問到退休後去向，他說會先休息，再思考60歲後的生活。