2017年10月21日
不少營養師都會勸減肥的人戒口,謝詠瑩卻相反,平日跟朋友出街用膳,從不「揀飲擇食」,即使朋友要點Junk Food(垃圾食物),她也不會勸阻,「當然自己心中會有把尺,可是呢個世界冇100%健康食物,冇一種東西係一定要食,或一定唔可以食,只在於份量多少,例如你可以食雪榚,但冇人叫你成桶食。」
運動勝過節食這道理,相信大家都懂,原以為擁有健身教練牌照的謝詠瑩對此深表認同,沒想到她卻說做太多運動未必好,「我不常做運動,只是識做而已,視乎你目標係乜。」她笑言運動上「自己不是role model(行為榜樣)」,又認為減肥成效80%在於飲食習慣,運動只佔20%,「所以飲食做得好,已合格有餘;做埋餘下20%固然完美,但係唔係凡事都要100%呢?」欲速則不達,難怪她表明從不會叫人「一定」要做什麼,「通常大家聽到『一定』,就『一定』不會做,尤其當佢哋本身不喜歡嗰件事,只會加速放棄。」
訂戶登入
下一篇: | 玩完仲乾淨 日童沙灘執垃圾 |
上一篇: | 嘆茶餐飽住瘦 美味變「瑩」記 |