2017年7月1日
香港作為國際大都會,體育發展卻明顯與世界水平有距離,莫景瀧直言,曾聽到有外國人開玩笑說:「香港體育好勁,世界頭幾位……由尾數上來。」
他慨嘆本地其實不乏運動明星, 如拳擊曹星如、游泳歐鎧淳及跳高楊文蔚等,惟足球、籃球等主流運動卻缺乏支持,「就算有人撐葉鴻輝(港足門將),可能係基於其他原因,咁樣好唔尊重佢本身實力,對小朋友價值觀都唔好。」
團體項目不應採精英制
莫景瀧認為,政府不應以精英制發展團體運動,「西班牙當足球係一門教育,有教無類,真正做到全民足球,覆蓋率高,自然出產到好球員。」香港卻只會投放資源予有潛質新人, 「係咪有天分先可以落球場?佢今日唔叻,唔代表明日冇成就,皇馬有啲球星都係13、14歲先開始踢波。」若然只推廣精英足球,「情況可能同中超球隊一樣,只可以用錢去(堆)砌成績」。
熱愛足球的莫景瀧,有兩名分別3歲及1歲的兒子,長子已開始學踢波。問及會否培養下一代做足球員,他笑言:「時代唔同啦!各人有各人嘅發展,我只係希望幫佢哋建立到正確價值觀,可以把守護香港嘅精神傳承落去。」
訂戶登入
下一篇: | 虐女惹公憤 躁狂父落網 |
上一篇: | 夢想基金會莫景瀧 借皇馬助青年重拾自信 |