熱門:

2020年2月7日

代理抗疫 睇樓送口罩招徠
海怡「平一球」放盤 準買家排長龍

內地新型冠狀病毒肺炎(武漢肺炎)肆虐令全城人心惶惶,樓市買家亦怕「中招」相繼減少外出睇樓,迫使小業主及代理變陣出奇招吸客。鴨脷洲海怡半島就有2房業主以大削價至低過銀行網上估值近「一球」作招徠,隨即吸引準買家大排長龍睇樓。亦有多個代理更推出「睇樓送口罩」招式搶攻,其中有紅磡區代理直言,分行已決定按「人頭計」方法向睇樓客送贈口罩,且設專車接送及毋須本票,務求重振準買家睇樓信心。

近期睇樓氣氛疲弱,代理透露,海怡半島26座有頂層D室2房業主,單位實用面積519方呎,本來叫價850萬元,後已減至820萬元,「但因為真係無客又想賣」,昨日把心一橫再大削至808萬元,並讓準買家於同日下午3至4時睇樓,由於開價已低滙豐銀行網上估價906萬元近「一球」,甚至平過上月樓下中層D室22萬元(2.7%),隨即吸引多組準買家睇樓,高峰等候人數逾10人,人龍排至單位門外走廊,更有指該單位已獲買家洽購,惟未知業主是否接納出價。

地監局提醒須言出必行

面對新型肺炎衝擊,代理生計首當其衝受影響,被迫變陣吸客。有代理於網站上載紅磡半島豪庭一個叫價1888萬元的低層3室放盤,以「睇樓送口罩」吸引買家出席。有份代理該盤的利嘉閣地產高級客戶經理李嘉能證實,該行確有向出席睇樓的準買家送贈口罩,「因有啲客無信心,希望搵到方法增加佢哋信心同保障買賣雙方」,獲贈口罩數目會按「人頭計」,毋須出示本票,目前已預留逾50個口罩作送贈之用,相關使費由代理承擔。

他稱,現時不論買家或業主,「十個有十個都強調要安全」,旗下小組更曾為此開會商討應對,除睇樓贈送口罩外,「亦會用專車接載準買家,喺佢哋面前用酒精噴霧消毒車廂座位,令佢哋有信心」。

此外,代理界昨日更流傳出荃灣海之戀有放盤單位代理以「送10個口罩,成交即送300個」吸引睇樓客。

地產代理監管局提醒地產代理,在宣傳物業時,切記言出必行,否則會損害行業聲譽,有機會被地監局處分。

事實上,代理逆市施展渾身解數「抗疫」,部分更不惜化身清潔工,加強買家睇樓信心。世紀21日昇地產執行董事黃文龍直言,該行本周一已作出新安排,「會主力向客戶推介無業主住嘅交吉鎖匙盤,並向佢哋承諾會喺睇樓前半個至一個鐘上去做一個全屋清潔」,清潔為時約45分鐘,以加強客戶信心,涉及清潔費用則由公司承擔。措施推出以來初見成效,例如一位七十後上車客,日前原本打算參觀天后美城花園大廈一個中層E室2房,但因為新型肺炎疫情一度轉軚擱置睇樓,「經我哋用上述措施游說後,個客最終回心轉意,噚日去咗睇樓。」

香港置業首席聯席董事胡耀才說,「如果有正常價錢的(口罩),都唔介意訂大量去做生意,但目前真係搵唔到」。面對非常時期,該行嚴守主動向買賣雙方申報過去兩周沒有往返內地的要求,以免被「托手踭」。

布少明:三成代理或「失飯碗」

不過,有代理坦言,現時準買家不但怕睇樓中招,更想趁勢執平貨,所以「我哋會谷一啲網上廣告同街招講疫情影響樓市」,令業主睇淡減價,增加準買家問盤率及睇樓的機會。

美聯物業住宅部行政總裁布少明預料,2月住宅交投將挫三成,如情況持續,料將有三成代理「失飯碗」,以地產代理監管局截至1月底的總持牌代理人數39322人計,即失業人士恐多達約1.18萬人。

布少明表示,自去年社會運動爆發,該行已於去年9月起不斷向業主爭取分行減租,至今有近八成新續約分行獲減租,平均幅度逾兩成,當中最高獲減近七成。

採訪、撰文:鄭達偉

 

放大圖片 / 顯示原圖

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads