2017年8月10日
民建聯副主席周浩鼎在去年超級區議會界別,挾逾26萬票晉身立法會。當選未滿一年,已爆出他在立法會UGL調查委員會中提交由受查對象、時任行政長官梁振英修改過的文件的醜聞,至今餘波未了。周浩鼎在事件發生後首度接受傳媒專訪,承認可以有更好的方式處理這次事件,但坦言至今無悔當「梁粉」。
作為議會「新丁」,周浩鼎說,UGL事件為家人帶來壓力,自己已經汲取教訓,希望事過境遷後重投工作。他特別感激一眾黨友在「人前人後」一直扶持他,事件於5月曝光後首次現身立法會會議被追訪的一幕尤其記憶猶新,「喺宴會廳食完飯行出來,百幾人等緊我,當刻覺得嗰條路真係好鬼長,what a long way!但(黨友)張國鈞、何俊賢幫我開埋路,其實佢哋可以唔理,但都一齊叫記者畀條路行,呢啲事好minor,係我自己先感受到。」
周浩鼎過去以「梁粉」自居,他說無悔做「梁粉」, 「對一個人嘅支持,係長時間觀察佢工作表現,唔會因為某件事而否定佢嘅民生工作,或者覺得唔應該做『梁粉』。」他承認自從事件發生後,與梁振英再無聯絡,相信只是「各有各忙」,沒聯繫也不是問題。
無悔被社會輿論批評
新任特首林鄭月娥7月上任,即使她在選舉時被標籤為「CY 2.0」,周浩鼎直言他不會因為「CY」之名轉當「奶粉」。「真係未睇到佢(林鄭)嘅工作表現,你對每個人會有自己一個看法,唔能夠因為昨日係梁粉,今日突然間自動波變『奶粉』,講唔通。」
他搬出民建聯「是其是,非其非」的家訓,指早前提出修正案,要求政府放寬加辣招的「樓換樓」退稅豁免期限制,建議由梁振英年代橫跨到新一屆政府,絕不會單純因為林鄭上場而轉口風。
回顧自己的政途,周浩鼎在2004年加入民建聯,只花12個年頭便晉身立法會,豈料真正打響名堂的是UGL事件。本身是天主教徒的周浩鼎說自己凡事感恩,亦「慶幸」風浪來得早,經此一役,更有信心面對日後逆境。他去年在補選論壇上激動落淚,被網民揶揄為「喊鼎鼎」,他說自己沒有為UGL事件哭過,亦無悔因為當上議員而換來連日頭版狙擊。
周浩鼎表示,2002年英國畢業回港,由為日本鏡片公司「跑廠」做起,「後來諗,係咪要就咁過呢個人生?之前冇的起心肝去考律師牌,但又想從政,04年決定考返個律師牌,同年入埋民建聯,相得益彰,至今都冇做錯決定。」他說當選議員後,更加明白角色是倡議者,不能夠追求一時三刻做出成績。
談到對高增值航運業、大嶼山發展的期望,周浩鼎更加口若懸河,「呢啲議題平時冇人理,希望in the long run做到,令到香港有個competence,唔好慢慢die down,淨係識得起樓。」他中英夾雜說道。
採訪、撰文:周依露
放大圖片 / 顯示原圖
訂戶登入
下一篇: | 張曉明:彩虹終在風雨後 |
上一篇: | 佔旺涉藐視法庭 被告稱到場採訪 |