熱門:

2021年9月27日

高仁 財圈識真假

生科股「甩B」全攻略

各位「巴打」,除了早知道港股的股票交易代號是「數字遊戲」(最多5個數字組成)之外,上周也了解到部分公司股份簡稱以不同英文字母結尾的不同代表意義。誠如本港「P牌仔」(暫准駕駛執照)終有「甩P」的一日,本港生物科技股都有可能會「甩B」,引發高仁與「豬朋狗友」探討公司的申請過程及目的,足以構成一本生科股「甩B」全攻略。

高 仁: 港交所(00388)自2018年4月在上市機制引入新章節,首次為未有收益嘅生物科技公司敞開大門之後,至今已經有大約30隻「B仔」登陸港股市場,令香港成為亞洲第一大生物科技集資中心。勁唔勁?

程更計: 高兄,你有冇計漏數呀?我數來數去,好似唔止喎。

施友化: 更計,其實有4家生物科技公司轉成為普通公司上市嘅股票,所以高仁冇計漏、你亦冇計錯。大家打和,Super!

高 仁: 原先附加「B」標記係警示投資者,該生科股並無銷售收益,風險較其他上市公司高;「甩B」即係代表公司業務相對變得成熟,投資風險降低,可能與一般上市公司無異。

程更計: 生科股要移除「B」嘅標記,到底有乜申請程序及資格呢?

施友化: 呢啲「B仔」可根據《上市規則》第18A.12條向聯交所提出申請,證明本身符合《上市規則》第8.05條嘅要求,令到第18A.09條至18A.11條(包括足夠的業務運作、重大變動及股份標記)再不適用於該公司。

高 仁: 《上市規則》第8章主要關於發行人嘅上市資格,基本條件之一就係第8.05條,發行人必須符合「盈利測試」、「市值/收益/現金流量測試」或「市值/收益測試」。

程更計:咁4隻「甩B」股份靠邊個test過關?

施友化: 全部都係以符合第8.05(3)嘅「市值/收益測試」過關,其中包括(一)具備不少於3個會計年度營業紀錄;(二)至少前3個會計年度管理層維持不變;(三)至少經審計的最近一個會計年度擁有權和控制權維持不變;(四)市值至少40億元;及(五)經審計最近一個會計年度收益至少5億元。

增納入各指數機會

程更計: 睇返資料,4隻生科股完全符合上述資格有凸,簡直係冇難度咁過關【表】。以市場投資角度嚟睇,生科股「甩B」有乜嘢目的,當中係咪會有好處?

高 仁: 哈哈!正如成功「甩P」可以行高速公路快線一樣,生科股「甩B」可以行嘅賽道都會不一樣,該重要里程碑反映其業務成熟度及獲市場認可,可能會引到更多投資者關注,並且大大增加被納入各項指數的機會。

施友化:高兄,果然講得冇錯!

本欄逢周一刊出

如想與高仁交流上市公司的財技個案及招數,請電郵至[email protected]

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads