2021年9月13日
上周五港股顯著反彈,由科技股領軍。恒指高開154點後升幅擴大,下午高位徘徊,最終以全日高位26205點收市,升489點;恒生科技指數漲2.9%,大市全日成交總額1498億元。
恒指上周四裂口大陰燭下跌,上周五又裂口大陽燭回升,一跌一挾令炒家無所適從,如此反轉再反轉,其實是頗為難炒的市勢,由於指數波動特大,已經唔係一般上落市,而係衍生工具市場的挾倉活動,要小心注碼運用。由於美股及ADR又再度向下,大市繼續玩梅花間竹開。
如果主要炒指數牛熊證或期指、恒指期權,呢輪會相當難炒,惟個股可繼續捉路。科技股美團(03690)、阿里巴巴(09988)漲逾4%,前者強,後者弱,但科技股捧場客應會揀美團。京東(09618)上周四的特大陰燭震走唔少好倉,翌日急升反轉再反轉,頗為「陰濕」,可等短期回吐再Call過。
內房逢反彈小注Put
騰訊(00700)雖是強股,但監管機構對網遊窮追不捨,股價難免受影響,要走出監管陰霾先有機會大幅轉強。電動車股連日回吐,已挫至支持區,比亞迪(01211)跌近橫行區支持;長城汽車(02333)向下抵三角形支持區,都是隨時有力反彈。
內房股消息多多,恒大(03333)有無人救同有無得救存在頗大疑點,而市場傾向跟足消息炒,剛破底的弱勢內房如富力地產(02777)及融創中國(01918)都見回升。恒大的問題非常複雜,淨睇條數唔知點救,個人唔建議博內房股反彈,反而每次因消息挾淡倉都可以加返少少Put。
訂戶登入
下一篇: | 招行業績標青 低吸等降準 |
上一篇: | 內地上市企業破產情況恐趨惡化 |