熱門:

2021年8月16日

高仁 財圈識真假

莊家騙財嶄新伎倆

各位「巴打」,論到香港金融詐騙集團五大頭目,散戶一般會接觸到的應該是莊家。莊家不一定是上市公司主要股東,但會在幕後操控一些波幅大的股票,設下「唱高散貨」圈套,把股價舞高弄低。

保證回購引入局

縱使散戶對莊家的行為已有所警惕,但正所謂騙徒手法層出不窮,高仁與「豬朋狗友」在接下來的飯局之中,將識破莊家騙財的嶄新伎倆。

戴孤劃:「鐵哥們」,咱聽說香港的市值管理團隊(內地對莊家的說法)有新騙財伎倆啊!

高 仁:哈哈!戴Sir真係消息靈通。

程更計:第一步,係莊家要搵到投資者「落搭」,願意接咗批貨先得。

戴孤劃:問題是怎樣辦到?

高 仁:莊家可以同投資者簽訂air-tighted合同,投資者負責在一段指定時間內(例如3個月)出面付錢買入股票並持貨,3個月後由莊家保證以成本價加年息15厘回購。

程更計:莊家其實係以低價買入該批貨,轉過手再以高價賣畀投資者,其實係搵投資者接火棒。嘩嘩!

戴孤劃:但是幹嗎投資者不虞有詐?

程更計:一來投資者有白紙黑字water-tighted合同在手,冇諗過莊家可以出蠱惑;二來投資者見自己買入股票後,股價受帶動拾級而上,暗地裏自己可以炒埋一份,其實都不知幾開心。

高 仁:莊家利用投資者人性貪婪完成了第一步,繼而就會進入計劃嘅第二步。

戴孤劃:那第二步是怎麼的呢?

程更計:由於莊家手持3個月後向投資者回購股份的合約,佢就更加容易與證券行訂立借貨沽空協議。

懶理合約拖字訣

高 仁:各位「巴打」,莊家之前搵投資者接貨嗰陣,公司嘅股價已經升到飛天,而家又大手沽空呢隻股票,龐大沽售壓力令股價暴跌,得以喺極低價位平倉,讓佢可以鎖定巨額利潤。勁唔勁?

戴孤劃:其實,投資者也沒有損失,還可以賺到15厘年息,幹嗎說莊家在騙財呢?

程更計:哈哈!由始至終莊家其實都冇諗過履行與投資者之間嘅合約,佢只不過係搵投資者「過橋」,證明3個月後肯定有貨在手,瞞騙證券行可以讓佢沽空股票,藉此賺返一大筆錢。夠狠吧!

高 仁:投資者收唔返成本和利息之餘,仲要揸到一手股價直插谷底嘅蟹貨,諗住有份合約可以對簿公堂打官司,但莊家搵得投資者笨又點會怕,一直懶理採取「拖」字訣策略,投資者亦無可奈何。

戴孤劃:這個莊家實在太狠了吧!

本欄逢周一刊出

如想與高仁交流上市公司的財技個案及招數,請電郵至[email protected]

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads