熱門:

2021年8月2日

高仁 財圈識真假

踢爆內房上市被騙過程

各位「巴打」,內地房地產開發商的作風普遍相當進取,高價投地,使債台高築、資金鏈斷裂等情況老是常出現,中國恒大(03333)債務危機問題最近也愈演愈烈。「高仁指點」話你知,內房民企上市過程都有不少辛酸史,老總們希望透過資本市場操作「圈錢」解決燃眉之急,但往往會成為受害者。

戴孤劃:咱有一個內房老總的「鐵哥」,近幾年搞企業來港上市,沒想到這才是噩夢的開始。

程更計:呢單嘢我都略有所聞。呢家房企近年業務急速發展,債務愈來愈多接近爆煲臨界點,大股東知道必須通過股市IPO融資,企業先至能夠繼續好好生存下來。

高 仁:哈哈!呢個時候梗係會有「救世主」出場,老總經人介紹認識咗喺香港投行做Corp Fin(企業融資)的負責人,佢哋話可以協助企業來到香港上市「圈錢」,上市後仲可以喺股票市場賺大錢。

戴孤劃:在花言巧語攻勢之下,老總逐漸相信這幫保薦人能夠幫得上忙,也決定找他們去推動企業IPO的進程。

程更計:不過,呢一批保薦人其實醉翁之意不在酒,佢哋唔係單純希望透過協助老總將企業上市賺取專業費用,背後最重要目的係為整個金融詐騙集團賺取更龐大利益。

高 仁:在整個金融詐騙集團之中,保薦人職責主要係誘導老總讓企業在港上市,佢哋知道以當時市況企業要集資係比較困難,而老總同旗下公司本身現金流唔係咁充裕,下一步會讓體系內其他專業人士負責呃錢。

戴孤劃:企業要上市「圈錢」,除了保薦人的領導角色之外,承銷商的協助也是必須了吧!

程更計:呢批承銷商從開始已經冇打算為企業集資,在承銷過程中又不斷推三推四、不積極兼不負責任,最後只係搵到一個基金(其實係金融詐騙集團一員)接幾千萬元股票,當然亦達不到最初對老總承諾的集資金額。

戴孤劃:這也太狠了吧!老總基本上可以說是無路可退,企業上市集資的日期絕對不可能延誤,因為除了涉及額外專業費用之外,還影響到企業日後的融資,隨時有可能觸發債務違約。

高 仁:哈哈!呢啲關鍵時候又會有另一角色登場,承銷商會推說以企業能夠上市作為大前提,介紹金融詐騙集團體系內嘅「財仔」畀老總認識,建議老總先透過「財仔」借錢解決集資問題。

程更計:嘩!一見有「財仔」出場,就知道唔會係好嘢啦!

高 仁:Bingo!我哋都飲啖茶、食個包,過一陣先再講。(註:故事未完,下周再續)

本欄逢周一刊出

如想與高仁交流上市公司的財技個案及招數,請電郵至[email protected]

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads