2021年5月24日
美股上周五個別發展,道指升逾百點,但納指跌0.5%,ADR反映港股今天低開約百點。港股上周五牛皮靠穩,恒指高開134點後一度掉頭向下,曾倒跌163點,最終漲8點,收報28458點。大市全日成交總額1519億元。
恒指日線圖平均線排列向淡,惟上周以來的反彈卻挾死唔少淡倉,究竟今次漲勢可以維持多久,暫難以估計。不過,相信圖表訊號者,唔應該因為回升而改變原先睇法。平均線由上升排列轉向跌市排列之後,一般唔會僅回調半個月就完,若果睇唔通可以等平均線重新轉為升市排列才轉睇好。
不過,今時今日炒指數已經不是理想的入市方法,炒個股期權好過,因同一指數內有一批不斷創新低又有一批不斷創高位,炒指數是在浪費時間。支撐起近期恒指的其中一個板塊是金融股,友邦(01299)上周守得住20天線,有望完成整固;滙控(00005)高位橫行似等機會突破。
資源股江西銅業(00358)及中國鋁業(02600)初見反彈,並且以中鋁彈力更強,中國當局人為壓低原材料價格未必可以維持太耐,投資者可趁今次回吐買回多少好倉,尤其後者獲大行唱好,股價有力進一步攀高。
美團京東反彈到位可Put
科技股上周五只跌一隻騰訊(00700),推唔冧科指,但騰訊一向是領頭羊,有指標作用,其技術似要破5月上旬低位,若騰訊轉淡其他中資科網股都難有運行。美團(03690)及京東(09618)回升應該差唔多到位,有意入市都可以加入Put。
長汽(02333)挾完兩三日應該差唔多,連同吉利(00175)都可以儲回若干6月份Put。
訂戶登入
下一篇: | 香港股市上周收市統計 |
上一篇: | 股王影響力下降 對恒指利大於弊 |