熱門:

2021年1月25日

高仁 財圈識真假

探討上市加辣後果

各位「巴打」,今時今日要在香港吃麻辣米線,一定會識得一兩句落order的「譚仔話」,例如「墨演懶肉實小辣」(墨丸腩肉十小辣),令到吃麻辣變成一種潮流。港交所(00388)正在落order做市場諮詢,建議大幅提高主板上市門檻,有「小辣」和「大辣」,令高仁感到「頭痕」,遂與「豬朋狗友」一起探討「加辣」的後果。

高 仁:「巴打」,你哋知唔知道,港交所之前推出咗「小辣」同「大辣」呀?

戴孤劃:高兄,你知道自己在說什麼嗎?

施友化:哈哈!高仁應該係講緊,港交所去年11月底發出嘅諮詢文件,建議大幅提高主板上市嘅盈利要求。

提高門檻有助杜絕啤殼

高 仁:冇錯,果然係施兄。方案一係「小辣」,建議最低盈利要求提高1.5倍,最近一個財政年度由2000萬元增加至5000萬元,前兩個財政年度則由共3000萬元上升至7500萬元;方案二就係「大辣」,擬把最低盈利要求調高2倍,最近一個財政年度上調至6000萬元,前兩個財政年度合共調升至9000萬元。

戴孤劃:噢!為什麼會有這樣的建議呢?

施友化:呢樣要回帶到2018年2月,港交所修訂《上市規則》嘅主板上市最低市值門檻,由原先2億元上調至5億元,但盈利規定保持不變。呢一個規定意味着,若有新申請人只符合盈利和市值規定嘅最低要求,其引伸歷史市盈率會由10倍提升至25倍!勁呢?

高 仁:市場之後湧現咗一批高估值IPO,其歷史市盈率較已上市同業為高,唯有以盈利增長潛力去justify。但港交所發現,呢批IPO上市後未能達到盈利預測,亦無法證明其高估值合理,另懷疑其上市並非為發展業務,只是為「啤殼」日後賣盤。

戴孤劃:看起來,新建議可以進一步杜絕「啤殼」上市,因為「啤殼」成本將會變得更昂貴,尤其是內地公司產生的利潤,需要付銷售稅及所得稅。上市前利潤要求提高,將會間接增加上市失敗的風險,不但會減少了—批想拚一拚上市的半成熟個案,也會減少金主出資資助半成熟個案尋求上市。

部分IPO料轉投GEM板

施友化:最即時嘅影響相信係,多咗一批IPO唔能夠達到主板新盈利要求,令港交所每年IPO數目有所減少。之後,主板上市將會以大型IPO為主,包括巨無霸及新經濟股份,集資少於2億元嘅中小型IPO將明顯減少。蚊型IPO減少之下,莊家要圍飛就變得困難,預料圍飛情況亦會減少。

高 仁:展望未來,新建議相信會加強主板及GEM板上市嘅分別,可以為市場提供更清晰嘅指引,不排除部分原先打算在主板上市嘅公司,可能退而求其次上GEM。畢竟好多公司可能上市前已引入PE(私募基金),搞上市花費咗前期中介、保薦、律師、審計等費用,預計上市工作唔能夠突然間停落嚟,否則公司同PE都可能會血本無歸,後果嚴重。

戴孤劃:(忽然轉用普「東」話,即普通話+廣東話)高總,你講得沒錯!

本欄逢周一刊出

如想與高仁交流上市公司的財技個案及招數,請電郵至 [email protected]

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads