熱門:

2020年6月22日

高仁 財圈識真假

披露細價股被DQ底因

各位「巴打」相信都知道,最近中美關係再度變得緊張,美國擬加強及收緊對中國企業的上市監管,預料港股將吸引到愈來愈多的中概股回流上市。

哈哈!「高仁指點」話你知,港交所(00388)也繼續對本港細價股大開殺戒,通知部分公司啟動DQ(取消上市地位)程序,但死因可能各有不同。

程更計:最近個會(即港交所)又出手DQ,目標仲要係一家主板上市公司,呢家公司嘅股價已低見1仙,基本上係跌無可跌,屬名副其實嘅細價股。勁不勁?

戴孤劃:噢!港交所也太狠了吧!它是依據哪一條《上市規則》去辦事?

高 仁:根據《上市規則》第6.01條,個會可以根據下列任何一個情況:0公眾人士所持有嘅證券數量不足、²上市公司所經營嘅業務不符合規定、³上市公司或其業務不再適合上市,隨時指令任何證券短暫停牌或停牌或把任何證券除牌。

戴孤劃:「鐵哥們」,第一項和第三項我還可以,但第二項真的搞不懂它的意思了。

程更計:哦!因為,根據《上市規則》第13.24條,上市公司經營嘅業務必須有足夠嘅業務運作,並且擁有相當價值嘅資產支持其營運,其證券先至可以繼續上市。

高 仁:冇錯!但要留意返,除咗經營銀行業務嘅公司、保險公司或證券公司之外,上市公司及其附屬公司嘅自營證券交易及/或投資業務,係唔包括在上述所講經營業務裏面。

戴孤劃:好!那麼這家公司的經營業務有何不足呢?

程更計:雖然呢家公司本身都有幾瓣不同業務,但其實大部分規模都係比較「奀豬豬」,只有一瓣電子產品貿易業務算做得比較好啲,但最新一個年度中期營業額都只不過得返二三千萬元左右。

高 仁:各位「巴打」,除咗電子產品貿易之外,個會質疑呢家公司其他所有業務,並非具有實質嘅業務及/或並不可行及不可持續發展。其實,要做大貿易業務好easy,只要有資金狂做多啲trade就得,莫非呢家公司「五行缺『水』」?

程更計:冇錯。由於呢家公司過去幾年都錄得淨虧損,經營現金流長期負數,故此,估計冇錢搞大電子產品貿易業務嘅生意。

戴孤劃:公司有沒有想一想其他辦法?

高 仁:有嘅。公司2018年9月計劃向大股東收購一項內地物業,期望可以把物業對外出租及自用作零售,一邊做包租公,一邊賣產品;但雙方搞咗接近一年,最終都簽唔成協議。

程更計:另外,公司去年底打算收購一家內地食品商股權,但今年初內地新冠肺炎疫情肆虐,公司完成唔到對目標公司嘅DD(Due Diligence,盡職審查),單刁自然就collapsed。

戴孤劃:那現在情況又怎樣?

高 仁:公司已經就個會嘅DQ決定,申請由上市委員會覆核。

程更計:如果公司覆核失敗要退市,佢嘅殼價就可能會正式歸零。

本欄逢周一刊出

如想與高仁交流上市公司的財技個案及招數,請電郵至 [email protected]

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads