熱門:

2019年2月25日

高仁 財圈識真假

內房損人利己自救術

各位「巴打」相信都記得,「豬朋狗友」戴Sir之前介紹了一位小型內房老闆「劉房哥」(內地華北地區小型房地產發展商老闆)予高仁和程更計認識,以便高仁跟程更計一起為「劉房哥」解構擺脫財困的財技。

內房股早前再度成為市場焦點所在,原因是企業債務違約問題惹來關注,連累「劉房哥」旗下公司資金鏈亦出現緊張。本文會由高仁和程更計向「劉房哥」拆解前因後果,其實即是內房損人利己的自救術。

揀市況差發高息債

高 仁:好久不見!劉總最近好像又受到一些事情困擾,對嗎?

劉 房:沒錯。今年是內地房產商的債務還款高峰期,市場之前憂慮部分企業可能出現債務違約,個別內房股股價洗倉式急挫,咱們同業都擔心會受到牽連,因發債困難令資金鏈斷裂啊!

程更計:劉總,你哋真係要「多謝」某大型內房股「關照」,佢揀咗喺舊年底市況最差嘅時間,發行一筆大規模美元債作再融資,不同年期嘅票面息率全部都超過10厘。

高 仁:哈哈!其實佢以高息發債大幅拉高整體債息水平,有可能會谷爆其他陷入財困嘅小型同業,從而可以收到借刀殺人嘅效果。

劉 房:咱們也被他害慘了!

程更計:不過,由於嗰陣市況實在太壞,該公司發債嘅認購反應亦比較差,老闆要出錢認購超過一半債券。

高 仁:佢咁樣做相信係有目的嘅,一方面畀公司支持同投資者信心,另一方面自己可以收取高息。勁呢!

劉 房:但是,企業以這麼高的利率去發債,要支付的利息也很多的吧?

押總部籌錢連環招

程更計:唔使驚有高仁喺大廳。唔係,應該係唔使驚有樓喺大廳。老闆就係靠公司總部去抵押融資籌錢。

高 仁:呢位老闆抵押融資方法絕對係非一般,佢公司首先自己加租3倍,佢老友公司亦被大幅加租,但可能之後私底下補貼番。而喺整體租務收入因此大漲下,整幢商廈嘅估值亦大幅抽高,佢公司就可以獲得更高嘅融資額。

劉 房:這樣做到底有什麼好處呢?

程更計:由於老闆持股比例較高,該公司派發高額股息,老闆荷包可以腫脹啲;老闆荷包腫脹啲,自然有多啲閒錢,咪可以認購公司嘅高息債囉;公司發高息債集資,老闆認購咗一半,利息咪又去番老闆嗰度。

高 仁:嗰啲錢只不過喺公司同老闆度來來回回,左袋轉右袋、右袋入左袋,但佢公司就可以新債冚舊債自救,同時又間接打擊其他小型同業,屬於損人利己嘅做法。勁不勁?!

劉 房:這個內房老總的財技真是高招啊!

本欄逢周一刊出

如想與高仁交流上市公司的財技個案及招數,請電郵至[email protected]

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads