熱門:

2018年12月25日

邱古奇 股期出擊

港股明年有機會執平貨

平安夜港股半日市乏善可陳,恒指跌102點,報25651點,與上周五暴跌的美股相比,明顯跑贏,惟技術走勢無大改善,短期升唔番上去50天線(25903點),回試11月1日島形底裂口的機會仍然較大。

2017年港股升足11個月,2018年就由天跌落地,恒指全年12個月跌咗9個月。不過,以熊市計跌幅未算大,今年暫時低位24540點,仲未回調到牛市升浪的0.618倍24087點,應該未跌夠,若以調整0.786倍為目標,要到21532點才見底。

2019年地緣政治及宏觀經濟形勢唔會比今年好,中美關係日益緊張,爭的是世界霸主,貿易戰只係其中一條戰線,只希望衝突唔好咁快擴散。同時,美、中、歐、日明年經濟都面對不同程度的下行風險,企業盈利看跌,因此明年上半年港股可能仲要尋底,但若然真係出現大跌,下半年反而係買平貨的時機。

內銀本港地產股可吼

現時港股估值已不算貴,恒指往績P⁄E約10倍,今年恒指盈利估計增長一成,P⁄E將降至9倍,但貿易戰若延續,其影響明年將充分顯現,假設明年盈利增長跌約一成,屆時預期P⁄E大概又係10倍,唔貴,但在熊市中冇吸引力。2008年金融海嘯,恒指P⁄E跌至8.7倍,明年斷估唔會差得過2008年,若P⁄E亦係降至8.7倍,恒指大概係22000點,潛在跌幅約14%。

此外,恒指成分股中不少P⁄B已頗低,尤其係內銀同本港地產股。以工行(01398)為例,2017年底每股資產淨值7.16元,股價5.52元,P⁄B為0.77倍。若工行股價的潛在跌幅跟恒指一樣約為14%,跌至4.75元,屆時P⁄B會降至0.66倍,折讓三成四,簡直大平賣,在這個水位入市作中長線持有,贏面遠遠大過輸。

另外,資金面可能較今年寬鬆,中國已在放水,就算唔係大水漫灌,也會好過今年。美國聯儲局表示明年加息2次,但如果經濟數據急劇轉差,恐怕聯儲局再鷹唔起,停止加息甚至減慢「縮表」並非絕不可能。至於歐、日,相信寬鬆亦係主調。

不過,此刻仍非買股長揸的時機,長線投資除了要有持貨耐性,還要有耐性等買平貨,而平貨通常只會在危機之後出現。

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads