熱門:

2018年9月13日

邱古奇 股期出擊

滙控吼低位開好倉

大市繼續跌,恒指最低落到26219點,挫203點,再創熊市新低,但跌至去年7月裂口區(26147至26255點)後暫見支持,收市跌幅縮窄至77點,報26345點,而且期指倒升,似乎有淡友趁低收割,等反彈再沽過。

大市雖似喘定,但個別板塊就繼續散。今年4月之前還是大強勢的濠賭股,近日遭大行連環唱淡,龍頭銀娛(00027)竟然六連陰,昨日下挫4.99%,至45.7元,同7日前的收市價比較,唔見咗13元。冇辦法,熊市容不得太高估值,4月高峰時,銀娛P⁄E去到30倍,現在降至18.65倍,唔算勁貴,亦不便宜。銀娛250周線目前在44.41元,跌至有一定的支持。

跌近60元Short Put或Long Call

藥業股係另一個暴跌板塊,龍頭石藥(01093)勁插9.73%,中生製藥(01177)瀉14.38%、藥明(02269)跌近5%。內地近期原料藥缺貨,價格大漲,懷疑涉及壟斷,阿爺一聲「可怒也」,決定嚴加調查監管,觸發這一波跌浪。除了政策因素,都係嗰句,熊市會把天比高的估值拉番落地。大跌後的石藥,P⁄E都仲要36.6倍,中生32倍,藥明230倍,有排未貼地。

近排日日講造淡,轉轉口味講造好。當然唔係現在做,要耐心吼位至出手。對象之一係滙控(00005),美國聯儲局本月尾開會,加息無懸念,市場估計年底會加多1次,明年加3至4次,對大銀行股有利。如果英國同歐盟能夠就脫歐達成協議,就更加利好。

更重要係高息,滙控現價66.65元,股息率5.98厘,可考慮60元接貨,屆時息率達6.64厘。不過唔建議買正股,因為使費高,用期權較為划算及靈活,可以等正股跌近60元Short Put或Long Call。子彈充足唔怕接貨長揸的,可以Short Put,即使最後真係60元接貨,期權金同股息合計,隨時有7厘息。

唔想接貨只係博反彈,當然係Long Call,但要注意入市時機,而且要準備輸九成本金,必須控制注碼。Short Put亦然,有閒錢接貨先至好開倉。滙控跌唔落60元又點?咪唔做囉,至少唔會輸錢。

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads