熱門:

2018年8月1日

方卓如 方如玉帥

美國可以有多帶多路

恒指昨天收報28583點,跌150點,大市成交額875億元。騰訊(00700)跌12蚊,收報355.2元,去年港股大升,全憑隻騰訊升到唔識停。今年騰訊跌到冇底,港股難道會有運行?

好多人一直相信騰訊係股王,只有升同微調,未見過佢大跌,而家見到騰訊都會插水,未來要搵一隻有能力直線上升嘅股票唔容易。

日本決定唔收水,繼續放水並維持超低息環境。歐羅區第二季GDP增長只有0.3%,亦唔見得有條件收水。全世界只有美國經濟增長強勁,有資格加息同收水。強美元唔係總統特朗普願意見到嘅事實,即係話下半年佢要繼續迫其他國家嘅貨幣升值。

一個國家經濟增長良好,一直加息都唔影響資產市場,通脹溫和,接近全民就業,本地貨幣兌其他國家滙率又可以相對貶值,瓣瓣都完美,呢個國家咪天下無敵?特朗普就係要把所有經濟指標嘅好嘢都袋晒落袋,代價當然係其他國家受害。美國要全世界把資源雙手奉送晒畀美國人,但美國人唔需要埋單,呢個就係美國優先嘅最終結果。

中國對美國有咁大嘅貿易順差,原因係如果蘋果手機在大陸生產,賣回美國就變順差。但美國向中國買中國製美國貨品,真金白銀找錢之後,銀紙攞咗去中國政府換人民幣。手持大量美鈔,中國政府攞去換美國國債收息。即係美國人消費並未找數,仲欠中國政府過萬億美元。要減少貿易順差,方法之一只有減少消費,因為美國減少入口中國貨,只會增加入口越南貨、柬埔寨貨,順差移向了其他國家。另一個方法,就是迫令廠商在美國本土生產,例如鴻海設廠威斯康星州,咁就美國生產蘋果手機賣給美國人。

廠房搬離中國正在進行,未來中國工廠出口將會持續減少,未來這些中國工人如何處置,呢個先係大問題,難道個個都走去創業搞區塊鏈?惟有輸出勞工去搞「一帶一路」建設。

美國人話自己而家底厚,貿易戰當做節食,有本錢開打。其實美國人最唔捱得,嘆慣,佢哋一邊貿易戰一邊另搵替代,搵出路。談到出路,美國可以有多帶多路,其他國家好難匹敵。中國股票市場跌市未見底?我信。

 

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads