《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2018年4月23日
上文提要：內地企業積極響應中央「走出去」政策，近期吉利汽車（00175）母公司吉利集團入股平治（Mercedes-Benz）母公司戴姆勒（Daimler AG）的交易，似乎是在重演海航集團融資收購德意志銀行（Deutsche Bank）的把戲。
「高仁指點」話你知，這種名為「融資股權領口」（Funded equity collar）的收購，其實是利用衍生工具中的期權（Options）作為交易，為收購方帶來封頂保底作用的奇招。
在披露對話實錄之前，請各位「巴打」重溫人物背景，簡介如下：
戴孤劃──又稱為「戴Sir」，《信報》「蠱壇辨虛實」專欄作家，上市公司大股東，經常欺壓小股東；
施友化──擁有公司私有化經驗的前「唉賓」，被看中轉型為上市公司CFO。
施友化：吉利集團入股戴姆勒，兩家公司屬於同一個行業，大家都可能搵到新市場，兩者股價理應會齊齊向好【圖1】。
高 仁：冇錯。「融資股權領口」嘅收購就係看中呢一點，一方面收購方買入目標公司嘅正股去做抵押融資；另一方面收購方同i-bank訂立衍生工具嘅買賣協議，從而以做到封頂保底嘅效果。
戴孤劃：（流露渴望眼神用普通話說）封頂保底這麼神奇，怎樣可以做得到呢？
套裝落疊
高 仁：根據協議，收購方會向i-bank沽出目標公司嘅Call options（認購期權），表示願意放棄目標公司股價嘅Upside，以獲得收取Premium（期權金）嘅權利；同一時間，收購方會向i-bank支付Premium，買入目標公司嘅Put options（認沽期權），而Put options嘅期限要同Call options嘅一模一樣。
施友化：我知道嘞。當目標公司股價喺期限內升穿Strike price（行使價）嘅時候，i-bank就可以行使Call options買入該批股份，令到收購方嘅賺幅被「封頂」；相反，當目標公司股價跌穿Strike price嘅時候，收購方就可以行使Put options將股份賣畀i-bank，令到收購方可以減低股價損失「保底」。
投行誘因
高 仁：由於目標公司嘅股價Upside動力夠強，收購方沽出Call options所收取嘅Premium，可能會較買入Put options要支付嘅Premium為多，兩者嘅Balance就可以當作扣減抵押融資嘅部分利息囉。
戴孤劃：（續說普通話）這樣看來，如果目標公司股價下跌，收購方買入了看跌期權（高仁註：Put options的內地叫法），就可以對沖股價下跌風險；如果目標公司股價上升，收購方沽出了看升期權（高仁註：Call options的內地叫法），就等於讓利予投行【圖2】。
高 仁：所以，除咗收購方可以透過Funded equity collar封頂保底之外，投行都會有誘因去作一個悅耳動聽嘅故仔冧客，期望可以幫手炒上目標公司嘅股價，從中賺一筆快錢。
本欄逢周一刊出
如想與高仁交流上市公司的財技個案及招數，請電郵至[email protected]。
訂戶登入
| 下一篇： | AI時代創職 不落下任何人 |
| 上一篇： | 楚原叔，好嘢 |
