熱門:

2018年1月3日

麥狄文 金融街密語

內地政策優化 激發港股活力

港股喺2018年首個交易日高開走高,不單重上3萬點大關,甚至升破去年11月高位30199點,錄得近600點進賬,成交額更超過1200億元。

港股噚日大升有何原因,除咗係內地股市做好外,內地開始實施定向降準亦令銀根放鬆;另一點可能投資者有所忽視的,就係中證監上周五收市後公布落實H股全流通試點計劃,呢一點極有可能影響港股今年全年表現。雖然初步試點股份只得3間公司,可以話相對港股整體市值微不足道,但相關試點計劃最終將演變為總值逾2.5萬億元嘅H股全流通,流通市值上升,對港股當然帶嚟正面刺激。

目前內資股跟市場流通嘅A股及H股擁有同股同權,但內資股只能透過境內以櫃枱形式(over the counter)作有限度交易,只有極少數人士獲批准買賣呢批股份,結果係呢批內資股嘅交易作價,遠遠低過於已上市流通嘅A股及H股。

或者有投資者質疑,內資股全流通後,變相潛在供應增加,A股及H股嘅稀有性下降,股份或面臨沽壓,對A股及H股嘅股價未必係好事。而事實上,呢批股份表現如何,要視乎大股東係想要錢唔要貨,抑或大股東眼見內資股價值上升,更為努力為公司創造價值,呢點就要睇個別公司大股東心態。

睇番目前大部分H股,本身係國企,負責管理嘅係政府官員,跟大股東(即中央或地方政府)有一定利益衝突,即使H股全流通,亦未必令管理層為股東利益而加倍努力。

H股全流通建混改新平台

不過,H股大股東喺全流通嘅大前提下,可透過出售或抵押股份集資,H股未來財務狀況將獲得改善,呢一點對改善內地國企及民企嘅財務槓桿,甚至穩定整個銀行體系,有實際而積極嘅作用。相對紅籌模式,H股模式省去資本出境及海外架構搭建環節,對於有意尋求海外上市嘅內地企業,H股全流通安排,更便利其通過H股渠道進行海外集資,有利提升市場發現內在價值嘅能力。

至於國家金融戰略層面方面,存量H股企業以國企為主,H股全流通增強國有股權價值、國有資本處置空間,大大提高內資股流通性,為國企混改提供新平台,以及吸引海外資本嘅機遇。

今次政策特別針對符合國家戰略方向及政策發展嘅優質企業,另選「一帶一路」建設國家戰略,以及具有一定代表性的優質企業作全流通試點,吸引相關企業利用香港這上市平台,提高中國資本市場與國際市場的連通性,推動國際金融市場更好的實體經濟走出去服務。全流通有助增加相關股份的流通性及市場參與度,豐富在港上市中資企業的數量及參與度,進一步增強香港作為支持中國企業走出去的金融樞紐地位。

今次中證監落實H股全流通試點,反映中央在金融政策上沒有因為2015年的連串失誤而終止自由化及放棄與國際接軌,尤其自「港股通」實施以來,內地資金在港股已取得更大話語權,未來希望內地金融市場推出更多優化政策,激發更多市場活力。

麥狄文(徐狄怡.證監會持牌人)

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads