熱門:

2017年2月13日

高仁 財圈識真假

恤衫「兄弟」 五招打呔「升呢」法

「財金『巴打』衣着」系列文章,繼道出選購及穿着西裝、千變萬化的袋巾摺法,以及手錶與袖扣的飾物寶貝之後,上集教授財金「巴打」衣着「升呢」(升level)技巧,講解3種恤衫領型,今集談及領呔5種不同打法。

「高仁指點」話你知,領呔是恤衫的最好「兄弟」也是作為「唉賓」衣着最基本item之一,領呔打得好不好將會影響個人氣質與風格,領呔可以有5種不同打法作配搭。

在披露對話實錄之前,請各位「巴打」與「絲打」重溫人物背景,簡介如下:

戴孤劃──又稱為「戴Sir」,《信報》「蠱壇辨虛實」專欄作家,上市公司大股東,經常欺壓小股東。

程更計──本地證券行經紀兼財務顧問,除了招呼散戶之外,亦向上市公司出謀獻計。

程更計:高仁,飲完茶、食完包,可以講得未呢?

高 仁:OK。咁就等我介紹5種不同嘅領呔打法啦。第一種叫個溫莎結【圖1】,佢嘅尺寸比較大,形狀亦對稱,打出嚟嘅三角形好飽滿,係最適合businessman同政治人物出席正式場合嘅打法,配上寬領型恤衫就perfect。

戴孤劃:咦!呢款啱我喎。不過,呢個款式嘅三角形咁飽滿,應該唔可以用厚料領呔去打,否則好似成隻糭咁。

高 仁:戴Sir講得冇錯。溫莎結有一款改良版,第二種嘅半溫莎結【圖2】。呢種打法適合各種場合,亦適合各種恤衫領型。但係,半溫莎結都係唔適合厚料領呔,最好揀細長型嘅領呔。

程更計:咁有乜打法適合用厚料領呔呢?

高 仁:第三種嘅馬車夫結【圖3】啦。因為,呢個結係最簡單、最容易學識嘅打法,亦最適合配搭標準領或扣襯領嘅恤衫。如果喺恤衫外再配上針織衫,仲可以營造一股學院風。

程更計:學院風?啱年輕「唉賓」?

高 仁:其實,第四種嘅亞伯特王子結都好適合年輕上班族【圖4】,其特色係以繞圈打法為主,第一圈會稍微露出第二圈之外。呢種打法適合用於質地柔軟及圖案簡單嘅細領呔,建議可以配上扣襯領嘅恤衫。

戴孤劃:亞伯特王子結個名咁得意嘅,第五種打法又係乜名堂呢?

高 仁:最後一種叫個浪漫結【圖5】,可能係佢形狀勻稱優美,給予人乾淨整潔嘅感覺有關。呢種結能夠靠皺褶調整大細,長度亦能夠任意調控。從領呔下邊嘅寬邊壓以皺褶,就可以縮小其結型。另外,窄邊亦可以左右移動,使到其小部分出現於寬邊領呔側邊。

程更計:高仁博學多才乜都識,真係勁!呵呵,今餐飯我又袋咗唔少嘢落袋咯。

好多時候,財金「巴打」由頭到腳嘅一身衣着,都是由裁縫師一針一線縫紉出來。下周,高仁會從回顧「裁縫佬」的魔術交易,帶出「美容師」找「泊車」疑為「繞道」的交易。「財金『巴打』衣着」系列文章下集

本欄逢周一刊出

歡迎交流上市公司的財技個案及招數,請電郵至[email protected]

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads