熱門:

2016年9月23日

方卓如 方如玉帥

一周之最

最令人振奮:香港仍然有司法獨立,仲未淪落到谷底。羅黃周三人俾律政司追殺,用黑社會嘅案例誓要「的」學生去坐監。幸好法官依然是獨立判案,頭腦清醒,維持原判。無論你係黃係藍,價值觀如何南轅北轍,對後生仔對學生應該有份慈悲之心。學生毫無個人利益嘅就追殺,惡形惡相嘅鄉紳就放生,欺善怕惡唔單止並非香港價值,連做人嘅基本態度都唔應該係咁。望見佢哋嘅支持者喺庭外拍手掌,應該係拍畀香港,代表香港仍然一息尚存。

最令人大開眼界:政府橫洲記者招待會,市民留意嘅唔係內容,係表情。點解梁特經常俾人剪到一啲陰陰笑嘅表情,而財爺嘅片段全部都係鄙視、藐視、不屑。單憑表情,就知you always agree with your boss呢份工係如何凶險,每日返工都好似同仇人開片。

橫洲事件突然間團結了香港人,多數人有了共識,就係有啲人唔可以留低,否則玉石俱焚,大家攬住死。嚟緊半年,香港係生死關頭,唔好話我唔提醒。

唔加息仲驚

最令人擔心:本欄實牙實齒,寫包單話美國聯儲局9月唔會加息,並非坊間用上「相信」、「好大機會」、「市場認為」等等嘅縮骨字眼。但係估中令人仲驚,因為確認永恒放水係全球國策,根本冇得收水。只係表態加息都可以推冧市,而家嘅資產價格係建立於火柴之上,一吹就冧,一走火就燒通頂,冇人夠膽妄動分毫。市場壽命可以繼續延長,只係要爆嗰一日就生靈塗炭。如果1997年有種大限feel,快啲刮一筆就走人,咁2017年你又可以重溫呢種末世感覺。

2016年仲未出現預期嘅爆煲,離奇過關。俄羅斯輪盤到咗4槍,2017年就開第五槍。第五槍代表開估邊個會死,再無懸念。冇期望冇希望嘅感覺最難捱,2016年大家仲有水尾,2017年冇眼睇。

最令人冇心情:iPhone 7嘅亮麗黑炒得咁勁,揸上手,不外如是啫,iPhone 4嘅黑先係最靚。俾炒家托到天咁高,得到之後,心想,下一件令你非買不可嘅,要等兩年,即刻冇晒心情。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads