熱門:

2016年1月22日

方卓如 方如玉帥

留意幾時可以買番

上年我已經寫咗,香港夾喺美國同中國之間,應該貶值嘅港幣要跟隨升值嘅美金,幣值唔貶得,惟有資產價格下跌,情形就似97年。最近銀行報告都話香港似97年,報紙都講金融大鱷狙擊港元沽期指,用番98年嗰招。咁嘅形勢,要唔要知驚?

對付大鱷,從來只係得兩招。第一招係政府同佢鬥錢多,你賣我買。第二招係鬥兇,大鱷可以利用市場氣氛嚇怕市民,令佢哋個個都跟住做,變相多咗子彈。

殺完一批再嚟過

政府有強力傳媒機器加行政部門,簡稱強力部門,一邊在市場買一邊用政策手段,要大鱷輸錢。只要政府唔怕俾人鬧,其實政府贏緊,邊有賭場會輸俾賭仔?

人民幣同港紙的確係有人沽,加上新年未夠一個月全世界都冧,香港梗係冇運行。但係而家未到要出手趕客嘅時候,人哋要沽期指,賭場打開門就係要做生意,人哋要換美金提款走,你就係找換店,郁啲就話大鱷搞亂檔要行政手法嚴懲,始終唔係自由市場所為。

當全世界唔信而家係97翻版就係時候沽,但係銀行都出報告,電視機都話而家係金融危機,你就要留意幾時可以買番。財富可以轉移,亦可以因為市價下跌而消滅,不過印咗出嚟嘅銀紙係唔會突然間消失咗,只會變成廢紙。而家一窩蜂用資產換銀紙,終有一日銀紙又會走出嚟換資產。港紙目前仲係等於美金,仲係任意兌換,市場細反應快夠好炒,必定係他朝銀紙班師回朝嘅首選地。

發達嘅人一定係樂觀者,悲觀嘅人呢樣驚死嗰樣怕痛,係唔會發達嘅。而家食住個勢,可以沽嘅就沽,唔識沽嘅就等,總有一日買番。

今鋪唔係信貸危機要政府打救,係炒完向上自然要炒番向下,借得勁嘅終於有日要還,冇錢嘅就預咗資產要俾人啪。殺完一批,市場又重頭嚟過。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads