《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2016年1月20日
舊年個市麻麻，上半年大時代短暫興奮，年中情況大逆轉，由天堂跌落地獄。內地股災，加埋人仔貶值，阿爺暴力救市愈救愈大鑊，下半年水深火熱，大市不僅打回原形兼跌凸，唔少股份更每況愈下創年內新低。唔少行家到而家仲未出花紅，睇嚟唔慌有着落，仲要今年一開盤就唔多掂檔，半個月大市跌咗超過一成，今年睇嚟又係難捱嘅一年。
口痕友話出唔出花紅事小，聽聞有間陀地資產管理公司「字母資產」，向sales開刀連佣金都冇得出，咁就真係大件事。大家都知sales主要收入靠佣金，一般sales底薪有限，只可以視為車馬費，絕對稱唔上係一份似樣收入，若然sales冇佣金收入等於趕絕佢哋。「字母資產」由舊年底開始，就有風吹出嚟，今年起唔再出佣畀sales，即係變相叫sales另謀高就，無啦啦一條sales team被另類炒魷。
停止投資移民累事
「字母資產」唔再出佣畀sales，原來又關政府事。自從舊年4月開始，香港唔再接受投資移民嘅申請，呢個消息出咗之後，「字母資產」嘅舊股東已經暗暗偷笑，識得喺2014年底全身而退，將所有股份轉讓。事關「字母資產」咁多年而嚟，最搵錢嘅業務正正係搞投資移民，單係做內地同胞投資移民生意，已經賺到盤滿缽滿。政府忽然一刀切停止所有投資移民申請，「字母資產」真係頭都大埋，捱到舊年年尾就決定唔再出佣畀專責投資移民嘅sales team。
雖然投資移民唔再接受新申請，但係已入晒紙嘅case就可以按程序繼續，通常由申請到完成順利將資金調到香港投資，都需要一年半載時間。以去年停止接受申請計，已入紙申請個案，大大話話需時多一至兩年先完全搞掂。「字母資產」既然唔想再出佣畀相關sales team，當然引起相關部門大地震，唔少sales都搵到後路，希望唔使食西北風。
反正已萌去意，公司無情在先，呢班sales亦唔笨，唔單止按章工作，甚至對於未完成case愛理不理，實行hea住做甚至唔鬼做。新case無人理，舊case遇上需要renew亦一樣話之你。阿Man收到風「字母資產」投資移民相關部門已經七國咁亂，換咗老闆待遇唔一樣，唔怪得有人話男神財演夠醒目，早喺2014年底「字母資產」改朝換代時就跳槽泊過另一大碼頭，家陣就算翻天覆地亦唔關佢大哥事。
訂戶登入
| 下一篇： | 綠色環保業 增長「新馬車」 |
| 上一篇： | 海嘯或風暴邊樣似 |
