《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2023年1月2日
在銀行界幹出成績，又順利建立個人事業，還擁有美滿幸福家庭，古嘉璇在別人眼中堪稱人生勝利組，不過Belinda坦言創業初期有段時間，很不喜歡當時的自己，「工作、家庭加埋做生意，要達成目標，個人（性格）變咗好陽（剛），要百戰百勝，單刀直入一定要做到，好似總指揮咁做嘢，其實對身體、睡眠質素都唔係咁好。」
那時期的她不單自我要求高，對身邊人也如是，「我逼到自己咁盡，變到無咗同人坐低傾偈嗰種chill（生活態度），身心都變得好強，乜都信自己，ego（自我）同pride（自尊）去到好大，覺得我付出咗咁多，好多嘢係應得，係靠自己爭取返嚟，結果有時同朋友之間會有摩擦，對上司嘅服從亦低咗，唔會用心去聽人講嘢。」
把煩惱「斬件」 學習聆聽內心
Belinda形容，當時長期理性行先，失去了性格中的感性部分，實際上很痛苦，「睇到自己個record（紀錄），on paper（書面上）我做到呢啲（成就），得到嗰啲，內心反而好空虛同寂寞，無咗同人共鳴嗰樣嘢；點解我on paper好似乜都OK，竟然咁唔開心、咁易同人鬧交？雖然表面上我仍然客氣，但個心成日同人頂撞緊。」
於是她決定展開「尋找自我靈魂」之旅，請教來自全球各地的專業身心靈導師，嘗試不同類型療法，例如冥想、催眠等，「重新認識自己，接觸內心唔同嘅情緒，呢啲嘢學校無教，屋企人亦可能避咗（不談），只會叫你唔應該唔開心，唔可以呢樣嗰樣，變咗我哋由細到大，有好多情緒唔識表達，亦無咁嘅能力同字眼去抒發，或者理解唔同情緒嘅交集。」
「好多時我哋只會覺得，『唔開心』係一大嚿嘢，當中有幾多係來自自己同人哋，定只係諗多咗鑽入牛角尖？其實可以有唔同方式去解開呢個大結，將佢『斬件』，唔好綑埋一齊，否則好易錯重點。」她認為，把煩惱「化整為零」簡化分開來看，往往發現煩惱源頭不外乎幾種，過程中學習聆聽內心，最終就可找回最真實自己。
Belinda表示，接觸身心靈訓練後，性格再不像從前般執着，「覺得好多嘢可以共存，唔係一定要分你我，或者非黑即白，每件事都有唔同角度去睇，個人舒服咗好多。」獨樂樂不如眾樂樂，因此她決心把陰陽平衡概念融入運動體驗，冀助客人專注於探索自我，並取得平衡，達致更佳的身心靈健康，「成功在於平衡，一棵樹無根基就長唔高，而情緒同人與人之間嘅關係，就係打好根基嘅關鍵。」
訂戶登入
| 下一篇： | 放權管理 尚無為而治 |
| 上一篇： | 銀行家古嘉璇剛柔並濟健身心病後頓悟看重運動 室內單車結合靈修 |
