擇居利園區如置身城市綠洲

銅鑼灣對董彥鈞來說不只是工作地方，更大意義在於「每一分親切，在這個溫暖家鄉故地」，他引述希慎興業（00014）主席利蘊蓮於2018年集團舉辦「Hysan95」展覽時曾說過：「走遍天涯，不如此地。」Mark補充，這8個字正好道出很多「銅聲銅氣」人士心聲，「『不如』其實唔係負面詞彙，自己人生都算『走遍天涯』（曾於英美生活），始終都係想返嚟銅鑼灣。」

住所仍用拉閘升降機

不要以為他「得把口」，實情Mark現時亦住在利園區某街，「唔係唐樓，有𨋢（升降機）嘅，不過係拉閘嗰隻。」新冠疫情前，他不時深夜「踢拖」落街買咖喱魚蛋，平日也愛與太太在區內拍拖閒逛，「尤其渣甸坊嗰邊，半夜三更都有嘢食，不過而家疫情就煩啲，落完街返屋企要即刻沖涼。」

Mark形容銅鑼灣特別之處，在於不能單以購物、商業或住宅去界定，即使屬同區範圍，以軒尼詩道為分界線，南北兩邊感覺已大不相同，近海的北面相當蓬勃，南面包括利園區的節奏較慢，如此有研究，難怪他自言：「銅鑼灣已經喺我嘅血裏面，特別係利園區，直情好似城市中嘅綠洲，感覺好舒服。」