熱門:

2022年6月27日

周一人物

夥昂坪360提升旅客虛實體驗

Metaverse(元宇宙)、NFT(非同質化代幣)等概念雖大行其道,袁振雄(Kim)認為人們未必清楚真正意思,包括以為元宇宙只代表Sandbox(區塊鏈平台)、打機,NFT則等同炒賣,「實情唔係,我哋親身做過元宇宙活動,了解有咩機遇喺裏面。」

「Metaverse目前處於非常早期,好似Sandbox都仲未開放畀公眾,Decentraland(虛擬實境平台)就唔支援手機,一定要電腦先用到,仲要講緊啲咁靚嘅3D立體嘢,如果你部電腦支援(能力)唔夠,好易lag機(電腦運作太慢致停頓),一lag機你個用戶體驗唔好,就會影響品牌形象。」Kim娓娓道來。

Kim之前舉辦的元宇宙年宵活動,「選址」虛擬平台Cryptovoxels,「佢無其他平台個branding(品牌推廣)咁好,不過功能性好好,我WhatsApp條link(關聯)畀你,你一click入去已經可以進入嗰個元宇宙世界,手機亦做到,當然裏面有bugs(錯誤),你唔可以要求現階段嘅Metaverse做到完美。」

設新熱點 助製個人NFT

Kim成立的MMMeta最近與昂坪360合作,由6月中起至7月24日,推出「360°元宇宙初體驗」,融合元宇宙概念及線上線下活動,遊客掃描二維碼就能進入太虛幻境「元宇宙萬物公司Block177」訂購產品,欣賞虛擬壁畫、菩提樹及祝福鼓等打卡熱點,並暢玩線上遊戲;當到達昂坪市集即可返回現實,光顧元宇宙內10多間真實商戶,家長又可以帶子女體驗區塊鏈科技,即場製作個人專屬NFT,接觸元宇宙基礎概念。

「大人如果自己學Metaverse、NFT,無小朋友陪住,(學習)動力可能無咁大,若然可以同個仔一齊聽,咦!原來小朋友可以create(創造)自己第一個NFT喎,點樣喺個wallet(錢包)度買我個仔第一個NFT呢?感覺就同你幫個仔去恒生(銀行)開第一個戶口差唔多。」Kim說。

元宇宙非遊戲咁簡單

「未來就係咁,當然有啲人未必信,但Metaverse、NFT就係要顛覆、擺低晒以前啲嘢,去接受一套新概念。」他形容現今世代大家常說「進入虛擬世界」,換個角度去想,元宇宙只是為現實生活增添一項新元素,「說到底元宇宙只係個遊戲,有人會問咁咪即係打機,同Web 2.0有咩分別?」

他解釋:「分別就係多咗gamification(遊戲化)元素,過程中有啲任務你要達成,你有啲learning(學習)要做。」玩家完成上述事情,最終變為對品牌忠誠度,這是個「將虛擬帶回實體」的互動方程式,也正是元宇宙最吸引之處。

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads