2022年6月6日
足球是很多男生熱門嗜好,王國亮也是發燒友,更自言屬「足球人生」,每逢周末「日頭踢波、夜晚睇波」,最佳位置是後衞,難得他永遠能夠「湊夠腳」落場,「踢咗好多年,好多朋友邊度都去;就算無波踢,亦係戶外活動為主,跑步、踩單車、行山。」
團隊齊心至緊要
Simon直言踢波對事業有啟發,「首先你要搵到咁多人一齊,好似做嘢咁要有個班底,第二係team work(團隊合作),如果一隊波有啲人hea吓hea吓,我唔會踢,好無癮,自己走到死死吓,隊友就叫極佢都唔埋去。」職場一樣,「埋班」組成團隊,齊心向同一目標進發,是Simon最享受的事,結果如何反屬次要,「有時輸波都好開心,你唔夠人踢就唔夠㗎啦,打得好已經有交代。」
這種「勝固欣然、敗亦可喜」的心態,也套用到工作上,Simon憶述當年幾位老闆交棒給他,臨行前說了一番話:「唔使驚,你哋賺一蚊就得,因為咁即係代表你哋有能力賺錢,唔會咁啱真係得一蚊㗎嘛,即係你已經搵到方法唔使蝕錢!就算輸少少,賺到經驗都好。」Simon坦言:「我希望同事都係用呢個心態去不斷嘗試。」
放大圖片 / 顯示原圖訂戶登入
下一篇: | 公幹不言倦 愛文化體驗 |
上一篇: | 物流先鋒王國亮 見證港引領全球聯邦航空貨運總裁 細訴送遞發明變遷 |