熱門:

2022年1月10日

周一人物

把好關引入非本地培訓醫生

《醫生註冊條例》特別註冊委員會(特委會)是醫委會轄下法定組織,負責檢視與香港兩所大學醫學院課程有相若質素的非本地醫學院課程,從而訂定認可醫學資格名單,特委會去年11月29日召開首次會議,鄧惠瓊教授期望,今年首季可公布首批約20間非本地院校名單,讓合資格的非本地培訓醫生申請來港,在公營醫療機構服務。

盼今季公布首批院校名單

本地醫學界對引入海外醫生意見不一,鄧教授認為有必要,關鍵是做好把關工作,「每件事都有人唔贊成,總有唔同理由,事實上就算計人口,香港公營架構嘅醫生比例係唔夠,我覺得畀多個方法去(聘)請醫生,係應該;其實大家都想啲叻嘅(海外)醫生嚟,但你無理由叫啲乜乜大教授走嚟考你個試,既然想吸納人才,就唔好搞到咁艱難。」

那麼特委會工作從何入手?她透露,會先從英國《泰晤士高等教育》(Times Higher Education)及《QS世界大學排名》(QS World University Rankings)全球排名前100位的醫學院開始,「當然呢個並非唯一標準,但要有個起步點,之後我哋有方法去評估,我相信世界有幾十間醫學院,無人會質疑佢哋啲畢業醫生唔夠水準,我哋都要做功課,畀人睇到佢哋同香港兩間醫學院嘅水平compatible(兼容)。」

內外骨三專科最缺人手

鄧教授又說,雖然上述醫學院以歐美院校為主,然而也有幾間來自內地,強調特委會不會排除任何院校,希望吸納一些有工作經驗的醫生,最好曾受專科培訓,甚至達專家級數,「當然都要識中英文,否則好難同病人溝通」;被問到現時本港什麼專科最缺醫生?她表示以「內、外、婦、兒、骨(科)」來說,內科、外科、骨科都供不應求,「同人口老化好有關係,啲人唔生仔,對婦產科需求自然無咁高。」

根據法例,合資格的非本地培訓醫生,循特別註冊途徑來港後,要先在公營醫療機構工作,在服務5年、取得認可專科資格及通過評核後,可獲正式註冊在港執業;有否擔心非本地培訓醫生未必願意來港發展?「呢個要睇個人,例如佢有父母喺香港,都係一個誘因;唔擔心得咁多,點都要先做咗個scheme(方案),否則永遠唔會知有無人嚟,總之有需要做嘅事就做咗先。」

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads