2021年8月23日
人才是企業的最大資產,潘樂祺(Rocky)透露,豐盛機電及香港機電工程商聯會均在內部設立11個專責委員會,其中對青年委員會提供最多資源,鼓勵年輕同事參與公司及活動,例如展覽會、研討會、體育、義工,年會及考察等,讓他們加深認識行業發展方向和政府政策,加強與有關部門及行業持份者溝通。
「以往我哋嗰個年代,成長真係靠『同枱食飯、各自修行』,但今時唔同往日,必須針對我哋第二、第三、第四梯隊,進行系統性、組織性培訓,否則明明有啲係可造之材,結果都會埋沒咗。」他補充,青年委員會除希望讓後生的同事有系統地投入本身工作之餘,亦想令他們了解公司發展方向,建立忠誠度與歸屬感。
豐盛生活服務現有近1.3萬名員工,豐盛機電規模則逾6000人,後者有50%至60%屬35歲或以下,Rocky表示,新同事入職時,公司會建議填交一份自願性興趣問卷調查,以便管理層能投其所好,引導加入不同的專責委員會,「我喺每年12月嘅迎新會上,一定向新入職年輕同事提出持續進修要求,公司會有條件提供最多80%學費資助。」冀藉此在公司內部建立年輕同事參與持續進修的良好氛圍。
重團隊 營造家的感覺
有序發展也包括明確晉升階梯,以及各梯隊特定培訓計劃,「我希望喺公司營造一個家嘅感覺,因為同事之間相處時間,隨時比屋企人仲多,所以大家要相護看守,團隊合作。」如此勞心勞力,不怕年輕員工羽翼漸豐後蟬過別枝,浪費公司一番栽培?Rocky滿不在乎:「我成日同啲同事講,你過塘無所謂,最緊要大家保持關係,你始終有日燕歸來,我自己當年都係咁。」
放大圖片 / 顯示原圖訂戶登入
下一篇: | 公餘愛寧靜 潛水放空沉澱 |
上一篇: | 豐盛潘樂祺熱心培育機電業新血進軍內地見證改革 分齡梯隊做好接班 |