熱門:

2021年8月16日

周一人物

習巴西柔術 打出真性情

人不可以貌相,研究微觀營養學多年、言行舉止文質彬彬的孔浩榮(Samuel),是巴西柔術(Brazilian Jiu-Jitsu)黑帶高手,多年來一直與健身中心及私人教練合作開班授徒,背後出於家學淵源,「屋企一向係『打拳家庭』,細個爸爸已經教我打功夫,北少林、長拳、散打……,到我18歲就玩咗幾年太極,係好好嘅運動,但喺瑞士非常難搵到好老師教我。」

憑專業洞悉練武奧妙

其後經朋友介紹接觸巴西柔術,一試傾心,它被稱為「溫和的藝術」,與傳統柔術不同,是一種基於地面擒拿模式的格鬥,以槓桿原理控制對方關節,再加以制服,「覺得個concept(概念)幾好,之前學過嘅(武術)全部無用,一定要學新嘢。」他打趣稱巴西柔術吸引之處,在於「瞓喺度打」,屬於「懶人的武術」。

這當然是說笑,實情是Samuel的人體測量學背景,讓他洞悉巴西柔術奧妙處,「同你成日企喺度做嘅運動唔同,瞓喺度做運動,可以用到一啲平時無乜用過嘅肌肉,同埋佢係練整體,唔覺意咁樣玩下玩下,都練到strength(力量)、cardio(帶氧訓練)、endurance(忍耐力)、身體balance(平衡)、coordination(協調),最重要係你唔覺得自己練緊嘢,純粹當玩。」

Samuel又提到,這門功夫不能單獨練習,必須跟拍檔共同進步,過程中大家有很好交流,「你要信任你嘅拍檔,因為我將個身體交喺你手上,例如我一tap(拍擊地面或對方,示意投降或希望對方停止)你就要放手,否則會鎖親我,所以信任同默契好緊要。」

多身體接觸突破隔膜

「現今社會,人與人之間愈來愈少body contact(身體接觸),尤其而家疫情,其實呢樣嘢係人類最基本溝通(方式),故此西方人鍾意握手擁抱。人一出世,第一個同媽媽嘅交流就係身體接觸,而唔係說話,因此呢種communication(溝通)好有威力,而家社會好缺乏呢種contact。通過巴西柔術運動,好快可以同人打破隔膜。」Samuel如是說。

喜歡這運動還有另一原因,「嚟得玩巴西柔術,我唔理你大老闆定億萬富豪,人人平等。我鍾意同你打,唔係因為你背景有幾巴閉,而係欣賞你嘅personality(個性)、fighting style(格鬥風格),彼此之間關係好真,平時說話可以好假,打起嚟無得戴住個面具(做人)。」

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads