2021年7月19日
身為直播平台高層的周榮春(Terence),當然要「體察民情」,故平日即使放工回家,也會觀看直播,「都係一種娛樂嚟,咁梗係多數睇返自己平台嘅主播,我會用普通觀眾心態,好多時都學到嘢,『原來可以咁樣同人傾偈喎』;(那選擇什麼類型節目居多?)比較多係音樂主播busking(賣藝),我以前做過唱片公司,對呢方面興趣大啲,但又唔可以太偏心,乜都睇下咁囉!」
年幼女兒面前少看手機
觀看別人表演之餘,Terence更不時「以身作則」,粉墨登場開live,「分享下睇書、傾下潮流、湊女經,盡量唔會講公事,費事啦。」他又試過開金口獻唱粵語金曲,問到水準如何?「唱K水準囉,哈哈,不過係幾減壓嘅;我都有專屬fans㗎!(那可會收禮物打賞?)有呀,收到咪轉送畀其他主播,因為佢哋有得變現,我就無。」在公在私,必定以為Terence長期手機不離手,他表示在4歲女兒面前,盡量不看手機,「始終小朋友咁細,唔應該接觸太多電子產品,所以喺屋企我都係等佢瞓咗先玩。」
訂戶登入
下一篇: | 引入經理人制度保內容質素 |
上一篇: | 旺角租舖「落地」 櫥窗開live響頭炮 |