2021年6月21日
早於1948年,林亮已製作並發行小黃鴨塑膠玩具,惟那年代根本未有什麼保護知識產權概念,故直到2013年才申請和註冊LT Duck品牌;有道「人怕出名豬怕肥」,鴨亦一樣,另一家同樣生產小黃鴨的品牌B.Duck,曾向全國多家公司提出侵權訴訟,「真正原創者」林亮旗下的LT Duck也未能幸免。
談到對官司感受,林亮憶述本身認識對方,數年前在業界活動上,他被邀拿着B.Duck合照,「我從來無話同行如敵國,照影囉」,事後才知對方之前已寄律師信控告LT Duck侵權,但結果敗訴;贏官司的林亮對此直言痛心:「而家美國佬打到我哋入肉,我哋仲內訌而唔係槍口對外?大水沖倒龍王廟,自家人不識自家人;後來聽返應該係內地啲律師慫恿,話贏梗,喂!律師實叫你告啦,打官司有錢收嘛。」
做人宗旨以和為貴
首宗官司完結,林亮不計前嫌,仍視對方為友,沒想到對方竟一而再向LT Duck興訟,然而每次都敗訴,本來一直選擇息事寧人的林亮,終不勝其煩,決定作出反制措施,「沉默不等於懦弱,真係要反擊一下,否則沒完沒了。」去年LT Duck以B.Duck侵犯商標所有權為由,在內地提告,一審被駁回,到二審獲山東省高級人民法院裁定勝訴,得到超過240萬元人民幣賠償。
「我就快98歲啦,會唔會仲生安白造個故仔出來?唔通啲錢真係帶入棺材咩?我曾經考慮咗好耐好耐(是否反控),一向都想以和為貴……喂!成語都有講分甘同味,獨食難肥,我成日教年輕人:路窄處,留一步與人行,滋味濃,留三分予人試。」林亮有感而發。
放大圖片 / 顯示原圖訂戶登入