2021年5月24日
職業生涯一路走來,紀榮道(Wilton)遇過不少上司,對其管理哲學有深遠影響,「有件事比較深印象,2008年喺日本office撞正金融海嘯,短時間要做好多executive presentation(行政人員演說),當年我比較junior,唔係做present,但要負責好多準備工作;有12個人會review我做嘅嘢,但全部只係畀意見,做就得我一個,好痛苦。」
留意下屬「不說的話」
有晚深夜,時任首席財務官(CFO)專誠找Wilton傾談,「我諗佢當時真係關心我,知我做到就崩潰」;CFO把Wilton的困境,圖文並茂以心智圖(mind map)形式繪畫出來,「其實佢實際上無幫到我啲乜,不過我感受好深;身為管理層,同理心好緊要,好多時同事唔係期望你幫佢解決個問題,管理層要從對方角度,設身處地去考慮佢感受。」
如今身為管理層,他也有其一套管理哲學,「同理心係其中一樣,另外就係正向思維,做嘢永遠唔會一帆風順,我唔太介意自己或者同事唔識啲咩嘢,最重要心態肯去學;仲有聆聽同溝通,聆聽係基本,當愈來愈多嘢唔係你親手做嘅時候,好靠團隊合作去完成。」
「同埋點樣聽到同事對你嘅feedback,例如作為管理層點樣再做好啲?當你職位愈升愈高,你會發現呢啲feedback愈來愈唔明顯,同事覺得你係老闆,唔會直接向你反映,所以要學習從一啲unspoken words(不說出來的話)去留意,製造一個開放環境,多啲溝通、多啲認識同事,唔止工作上,係喺個人層面去了解對方,等你容易啲拿捏到佢哋傾向用咩方式去表達意見。」
訂戶登入