熱門:

2021年5月10日

周一人物

運年劉燊濤打理家業與時並進
銷售到製造 承傳鐘錶情

企業二代接班方式有很多,有人選擇先在外打拚歷練一輪,也有一心一意承傳,學有所成即投身祖業,已故香港工業總會名譽會長劉展灝的長子劉燊濤(Gary)屬於後者,2007年在英國畢業後,便回港加入父親創辦做鐘錶生意的運年集團,協助打理品牌,至5年前因父親突然心臟病發離世,臨危受命學做廠,積極推動供應鏈自動化,帶領集團與時並進。

出身鐘錶世家的Gary,自幼就與這東西結下不解緣,「細個老豆會畀我哋摸啲錶,慢慢跟佢返公司,聽下、學下。」6歲已擁有人生首隻手錶,然而令他最難忘的,是父親送的另一隻,「有段時期興G-SHOCK,但我知老豆唔係做呢種款,又唔好意思叫佢買。」知子莫若父,有年劉展灝自己生日,竟送該款手錶給Gary作禮物,令他深受感動,一直保存至今。

頑皮是小孩天性,Gary亦不例外,小時候不乏收錶機會的他,試過一時貪玩,用螺絲批拆開,研究內部零件,「梗係嵌唔返,得返個屍骸」。由於鐘錶在其日常生活以及難忘時刻,總扮演過重要角色,理所當然有份情意結,「呢樣嘢其實一直無離開過我人生,食飯期間爸爸媽媽多數講鐘錶、講生意。」

中二後Gary負笈英國李斯特城,完成高中之後,曾到美國俄勒岡州讀過兩年大學,接着又回英繼續升學,2007年畢業後返港,投入家族生意,惟他強調全屬自願,並非父親要求,「一直以來對做錶有興趣,大學選科都係揀工商管理。」

父親劉展灝猝逝臨危受命

運年集團旗下業務包括零售,從前Gary放暑假會落舖頭幫手,提早了解運作,為接班鋪路;他印象最深是當年有不少內地客用報紙包着現金來付款,有次收到七位數的人民幣鈔票,整間分店同事嘩然,因不能把如此大筆錢擺放店內,又擔心買家會否回來搶劫,最終要4、5個同事分幾袋去銀行存款,穩陣起見,有一兩個袋是空的。然而暑期工與全職畢竟性質不同,被問到正式加盟後,父親對其要求有否提高?他直言「無降低過」;試過父子巡舖,他下意識搭了對方肩膀,即被訓斥,強調工作上階級觀念要分明,「喺公司佢會要我叫返佢『劉生』」。

雖有爸爸這位「指路明燈」,由鐘錶愛好者變太子爺,現為運年執行董事的Gary事業路途常遇挑戰,他憶述,旗下品牌原本與內地商家合作,在多個省市商場設專櫃銷售,高峰期有70多間店,可是2008年其中一位大型夥伴忽然要求他們把貨品全部下架,理由是想轉型只做高級貨,「即刻飛上北京傾,但無辦法,人哋都決定咗,唯有厚住面皮返嚟同老闆(父親)解釋,咁佢一定有微言,嗰次最挫敗。」

不過最大的挑戰,當然是父親2016年6月猝然離世,Gary突要頂上擔大旗,「好多嘢係臨時逼你去學,尤其係廠、生產線,點樣營運、流程;之前做品牌好簡單,一個款式、一個型號,有幾多隻,有個數量喺手,做廠牽涉好多零部件,錶芯、錶面、錶針……啲配件幾時返、準唔準時,呢啲工業上嘅供應鏈,對我係個幾大嘅轉變。」

逝者已矣,父親對Gary的啟迪終身受用,「佢自律性好強,每日堅持風雨不改去跑步,並非一兩個圈,係10K(10公里),佢平時夜晚已經多應酬,周末又捱夜睇波,佢講過跑步最難唔係攰,而係天寒地凍點樣起身去跑,我暫時諗唔到有邊一個人比佢更有毅力,同埋不斷追求進步嘅精神。」

跟隨打高球學營商處世

劉展灝生前愛打高爾夫球,受其影響,Gary也好此道,「佢喺高球方面啟發到我,打波同做生意一樣,唔係一味靠力,要部署,點樣將個波打過河、避過啲難關,佢會用運動做比喻教我待人處世,等我易啲明白。」那可學會像爸爸般善用時間?「當然我無佢咁盡啦,打理好公司、打理好屋企先,公職上嘅嘢就慢慢去學習。」

談到集團未來目標,Gary不假思索:「自動化裝嵌。」因近年投身鐘錶業的年輕人愈來愈少,裝嵌師傅尤其短缺,惟這工作過程屬非常精密程序,不能出現任何誤差,更需要有眼力及有耐性的年輕人,「後生仔邊個肯同你去做廠?倘若做好自動化裝嵌,就唔使擔心人手不足問題,政府其實喺『再工業化』方面都提供好多財政支援,但技術上需要生產力促進局嘅專才去幫手,可能做住半自動化先。」

鐘錶除了實用價值,也是身份象徵,更可作為投資工具;常說時間就是金錢,時計就好比創富工具,如果明白兩者的重要,善用一分一秒,不難成為人生大贏家。

採訪、撰文:許鎮邦

攝影:黃勁璋、受訪者提供

放大圖片 / 顯示原圖

放大圖片 / 顯示原圖

放大圖片 / 顯示原圖

放大圖片 / 顯示原圖

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads