2021年3月22日
在球證生涯中,Albert執法過多場重要賽事,包括2003年西班牙勁旅皇家馬德里訪港友賽,惟他最難忘是一場2000年左右的本地聯賽「鬼揞眼」事件,該戰是南華對愉園,上半場南華李健和大腳傳中,隊友歐偉倫入楔爭頂,愉園後衞黃偉德恍如凌空打排球般,在禁區內犯手球,「全場幾千人同兩個旁證都睇到,我真係唔知點解睇唔到,所以無吹(罰12碼)。」
下半場「唔想返出去」
當時南華球員爭相理論,愉園球員已再開波,一切成定局,半場休息時連旁證都問Albert為何不吹手球,「咁大嘅錯誤,我直情唔想返出去(球場),仲有,最重要係下半場唔好喺心理上覺得欠咗南華,要畀返球12碼佢。」最終和局收場,賽後南華職球員及傳媒自然口誅筆伐,「球證最慘係做得好無人讚,you will only be remembered by your mistake(你只會因你的錯誤而被記起)。」
另一次是2003年賀歲盃伊朗對丹麥,臨完上半場前,伊朗球員聽到場邊球迷發出哨子聲,誤以為是球證鳴笛完場,就在自己禁區內用手執起皮球,Albert只好依例判罰12碼,伊朗球員鼓噪,醞釀離場罷踢,結果丹麥隊長徵詢教練意見後,識相地故意把罰球踢出界,引來全場掌聲,更為丹麥隊贏得當年的國際體育精神獎,「嗰次之後,國際足協就改咗例,球證有權因為場外因素影響到球員犯手球,而唔判12碼。」
放大圖片 / 顯示原圖 放大圖片 / 顯示原圖訂戶登入
下一篇: | 撐本地體壇 資助港運動員 |
上一篇: | 賓架球證趙善銓 遊走壓力邊緣綠茵場金融界馳騁 全賴一個「信」字 |