2021年3月15日
自認為食的Daren,閒時會下廚顯身手,最耍家煮餐蛋麵,他說別以為很簡單,其實大有學問,「例如麵過唔過冷河?蛋一定要燶邊!(烹飪)bring you to another focus(帶你到另一焦點),做嘢辛苦嗰陣可以抽離下,自己鍾意整西餐,簡單得嚟多變化,最叻整薯仔,中式我未夠班。」
自爆上限吃「三小辣」
身為管理層,在公在私當然會捧米線場,Daren至愛配料是炸醬和雞肉,「好襯個湯」,近期則鍾情新推出的脆肉鯇木瓜魚湯米線。他笑言以往非特別嗜辣,加盟譚仔後愈來愈享受,程度接近三小辣,「個湯(底)好得意,用唔同辣度配落去有唔同嘅感覺,有complexity(複雜性)」;他較愛吃麻辣,「層次好豐富,我鍾意畀人麻下(笑),即刻觸動到你。」
識飲識食的他,品牌推出新菜式當然參與試食,「我都係產品研發團隊其中一員,推出後睇返顧客意見再作微調。」好餐廳除了食物,員工服務也很重要,問Daren會否「微服出巡」觀察前線運作,他打趣說這世代難以掩飾身份:「初頭一兩年多啲,之後好難有呢個效果,試過街坊裝踢拖落舖,戴埋口罩,但我哋啲姐姐好醒目,大大聲叫『劉生』,所以而家落舖唔係觀察,會同佢哋傾下計,畀啲鼓勵。」
放大圖片 / 顯示原圖訂戶登入
下一篇: | 員工子女獎學金 受助者感悟甚深 |
上一篇: | 「譚仔」小食夠份量 「三哥」湯底濃 |