熱門:

2020年12月21日

周一人物

夫妻善管理時間必抽空「拍拖」

「時間管理大師」這稱呼,聽起來有點曲直難分,若只以字面意思解釋,Rita與丈夫李根興絕對是正面典範:平日既忙於事業,又要管教照顧3名孩子,還能抽空過二人世界及享受私人時間,相當難得。談到箇中秘訣,Rita謙稱是借鑑丈夫,「每人每日都係得24小時,好公平,點樣活出不一樣嘅人生,視乎你點樣操控時間。」

Rita以丈夫為例,人人以為他很忙,「實情佢真係幾得閒,因為佢對時間管理好清晰,有邊幾樣重要嘢,喺個pie chart(圓餅圖)度畫返出嚟照跟,唔好偏離,要忠於自己,例如你覺得要有健康嘅身體,先可以為事業拚搏同照顧屋企,咁就being genuine(真實面對)」。兩夫婦善用每日16小時清醒時間(扣除8小時睡眠),其中5%必用作運動,先保持個人健康,然後約25%留給家人,另外60%投入工作,大概5%私人活動,餘下5%則屬lost time(失去的時間),「即係嗰啲交通、收message……所以除咗工作必須嘅WhatsApp,大部分手機App我都熄晒啲notification(通知),否則呢5%好易變成20%。」

做事首要專注自律

「你見成功嘅人,多數好早起身,但唔等於瞓得少,(早上)6至9點係我每日最緊要時間,起身一定先做運動,即使得5分鐘都要做,等身體投入運作,7點兩公婆就出門口送小朋友返學。」Rita又說,自律之餘,夫妻倆仍不減浪漫,逢周五晚放工後必享受二人世界,周末則多留在家中看書,「我好相信終身學習,會不斷睇書同報讀網上課程,令自己成為更好嘅老師同管理層。」

李根興是城中知名商舖投資者,問「睇舖」是否熱門拍拖活動?Rita笑言:「經常!兜下呢度兜下嗰度,當年拍拖嗰陣甚至一日食6、7餐,去完呢間車仔麵,睇下隔離間雲吞麵檔,跟住去篤魚蛋,你睇番舊相,我哋嗰陣都肥啲;依家都會,但受控,佢時間利用得好好,仲經常得閒買餸返屋企煮飯。」「正如教育一樣,個範圍咁大,成日會有人『摟』我不如做下呢樣,每個行業都有好多引誘同sidetrack(分心),最重要你點樣專注做好本身要做嘅事,有極度嘅self discipline(自律),否則樣樣都做唔完。」Rita如是說。

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads