熱門:

2020年11月30日

周一人物

嶄新營運模式 傳承賺錢兼備

The Mills是本港首個以紡織業為主題的私人活化項目,除引入餐飲零售等商業元素,亦設有紡織文化藝術中心,並提供培訓及投資計劃,支援時尚科技初創企業,但梁婉玲(Ellie)坦言早期遇到不少困難,「市場之前無呢種商業模式,搵合作夥伴傾,佢哋好難理解The Mills係乜嘢,會問『喂!究竟你係做生意定點樣?』。」

當時甚至有陰謀論者認為,項目只是照抄上海新天地模式,想「做旺個區」,惠及南豐在區內其他物業,「我話Sorry呀,南豐喺荃灣係無物業嘅,得返呢度(紗廠),南豐中心都賣埋,只係人哋keep返個名。」亦有人質疑項目「好心做壞事」,令附近樓價租金攀升,「我唔可以話唔會,但咁樣只係單一角度去睇件事。」

「每樣嘢都有利有弊,最主要係你想為個社會做啲乜,就算你做生意,都係對個社會做緊啲嘢,好似我以前做Now TV體育台,提供娛樂畀觀眾,都係一種contribution(貢獻),咁我要唔要賺錢?梗係要!啲節目唔會免費送到你個電視機。好多人問,你The Mills要賺錢定要傳承?喂點解唔可以兩樣都要?當然我哋唔係要賺到盡,否則用嚟發展地產項目賺多好多。」Ellie如是說。

另一挑戰在於項目位置,她承認The Mills離港鐵站較遠,交通是個考慮,「你知對香港人來講,兩分鐘步程都太長,最好地鐵站上蓋」,因此紗廠要經常構思不同活動,催谷人流,例如早前萬聖節的「紗廠怪朋友」活動,便吸引大批市民一家大小到場。

編織生活節改網上舉行

為慶祝兩周年,紗廠原定周末(12月5日及6日)舉行「WeWeave編織生活節」,惟近日新冠肺炎疫情急速惡化,活動只好移師網上進行,屆時將直播多位本地唱作人於紗廠的音樂演出,文創市集亦改為網上市集。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads