2020年11月23日
身為管理層,Vicki認為最重要是當一位好的聆聽者,且是個很authentic(真實)的人,表裏如一,「最好嘅leader(領袖)係要empower(授權)下面班人去做到嗰樣嘢,而唔係你去畀instruction(指令)叫佢哋點做,同埋要令佢哋對做緊嘅嘢好passionate(熱情洋溢);只要有熱誠,當成功完成件事之後,會好有滿足感。」
她又說,每個人均有長處短處,管理層應做到讓員工揚長避短,「無人係完美,任何人都有佢優點,關鍵係你識得點樣去用佢」;不要以為她紙上談兵,Vicki憶述,2014年上任現職初期,花了4個月逐一約見辦公室200多位員工,「一間大機構,可能你接觸到嘅,只係日常向你直接滙報嗰幾個,至於下面啲人,你知道個名,認得個樣,出入見到會打招呼,that's it(僅此而已)……管理層起碼要認識每位員工as an individual(獨立個體),我真係有心想去認識每個人。」
增透明度免是非發酵
現時公司90%為女性,「陰盛陽衰」會否很多是非?Vicki答得巧妙:「職場世界,同事之間私底下傾談,當然有佢哋嘅話題,最重要係公司有足夠透明度,同事嘅意見唔需要透過是非渠道去發酵;唔好畀個空間佢哋去想像同猜測,自然可以將傳聞是非減到最低。」
訂戶登入
上一篇: | 護膚首重睡眠 緊記清潔保濕 |