2020年10月26日
Grace旗下品牌的長衫,風格中西合璧,與其家庭背景可謂同出一轍;外表洋化的她,父親是傳統舊派港人,母親為作風西化上海人,丈夫則來自澳洲,「正因為屋企有呢種cultural mix(文化混合),所以我更希望把傳統嘅長衫modernize(現代化),咁樣後生仔女先會比較容易接受。」
家庭生活演繹文化混合
她自言一向喜歡中國文化,難得的是澳洲籍丈夫亦甚欣賞,「佢鍾意呢類型風格,例如建築、室內設計,我哋會互相分享交流,但服裝佢就真係唔係好識喇(笑)。」兩人有一對3歲及1歲的子女,可會希望他們學中文?「好想呀!呢方面要靠我去幫佢哋發展。」
Grace這種糅合中西文化的創作意念最近獲迪士尼垂青,攜手推出「米.旗20/21系列」,以米奇老鼠圖案創作長衫,從繽紛色彩展現中式傳統美學;今次已是品牌與迪士尼第二度合作,她更找來藝人及前新聞主播蔣怡、楊洛婷、蔡雪瑩、方健儀等好友,穿長衫做運動,展現舒適靈活感覺,又舉辦網上虛擬時裝展,冀為社會發放正能量。
Grace努力事業之餘不忘其「長衫使命」,近年與一班志同道合者積極參與「長衫薈」活動,互相交流、集合力量,推動傳統服裝文化;如此忙碌,可有時間消遣?「無啦!有時間都只想攤低瞓覺,(那如何減壓?)放工返屋企斟杯酒飲囉,但又唔可以飲得多,要湊小朋友;或者臨瞓前睇一陣Netflix。」女強人,真箇不易做。
放大圖片 / 顯示原圖 放大圖片 / 顯示原圖 放大圖片 / 顯示原圖
訂戶登入