2018年6月11日
港鐵擁有不少位置優越的車站或車廠上蓋供發展,作為本港住宅用地主要招標渠道之一,身為主席的馬時亨坦言,對樓價高企感到不解,「簡直貴到癲」,並坦言現時樓市已見頂的可能性很高。在受訪當日上午,他剛賣出名下位於中環的一個細單位,「賺咗少少錢」。
賣出物業套現 作價滿意
他透露,當年沽出半山馬己仙峽道物業套現後,一舉買下數個單位,其中在中環買入的一間約200方呎舊樓,是為方便「落下腳、換下衫」,其後租出。對於投資回報,他僅稱,買入時呎價萬多元,現以2萬多元呎價沽出,回報不高,但對作價滿意。
馬時亨早前以私人名義認購叙福樓(01978)800萬元股份,談及投資心得,他說由出任財經事務及庫務局局長至今,都堅持以「做足功課、量力而為」作投資原則,切忌道聽途說「買number」,過去二三十年,其投資取態都屬保守型,股票與債券各佔一半,另加一些房地產,總算沒輸過大錢,笑稱能夠保本之餘賺些少已OK。
他又說:「多年來見人哋輸得最多錢嘅Accumulator(累計期權),我都冇買,幾個股災我都避咗,我唔係將所有蛋放喺一個籃,要做assets allocation(資產分配),部分錢擺債券,部分錢擺股票,永遠唔會見股市旺,就將啲錢買晒落去。」
外國有句俗語:「家是家人所處的地方(Home is where the family is)」,馬時亨向來以家庭為重,兩年前搬到外孫樓下,閒時弄孫為樂,他大讚新一代的小朋友比上一代聰明得多,惜壓力也很大,「有時見年輕人對前途好似好灰咁,我都唔開心,我都想下一代積極、對制度同埋社會充滿信心、充滿熱情。」
訂戶登入
下一篇: | 處理兩鐵合併 從難搞變三贏 |
上一篇: | 難忘愛民邨上樓喜悅 籲港青外闖 |