熱門:

2023年6月5日

徐詠璇 琉璃火

無關「見義勇為」

「我當時緊張到好驚,我好想阻止佢唔好再傷害人。同『見義勇為』呢幾個字完全無關係。」廚師輝哥擸起兩張圓凳,打刀漢的頭,也保護衝出為傷者搶救的途人。

不必微言大義,只是本能。不必數說鄂蘭韋伯榮格佛洛伊德大道德大道理,電光火石間,總之就做了。過後,廚師的妹妹怪他鹵莽,想也是痛惜與敬佩哥哥。

在荷里活廣場,男子買來一把尺長尖刀,狂捅一名陌生女子廿多刀,同行女友人多次欲救女伴也被刺傷,最後兩人不治。如果你我即時嚇得躲起來或者舖頭落閘,這也是人之常情吧。有人立即拍下片,搶着做第一個民間記者報道,增加自己的社媒流量,也不為過吧。

有人第一時間瘋傳視頻,奔走相告。叫「嚴重牛皮癬及輕微糖尿病患者」的網民聲稱「俾人殺嗰個女(事)主係我哋圈中朋友嚟嘅,佢本身係雙性戀。同片中嘅女友一齊咗三個月,殺害佢嘅係前度係之前上網交友App認識拍咗一個月拖,死都要纏住佢,上個禮拜仲已經喺警局備案,我哋一早叫咗佢小心啲㗎啦。」更有傳媒即時廣傳。卻原來一切只是捏造,謠言抽水是平常吧。

是怎樣的教育,出得了廚師大哥這無添加、無修飾的正直?

「用張凳打咗佢頭一下,佢望吓我,跟住我覺得佢好似想再進一步,我就打多佢一下,佢又唔還手喎。」疑兇雙手垂下,沒逃跑,像是等待被捕,期間一直在哭,「……喊得好淒涼。一個人決定要殺一個人係好大件事㗎,可能佢有原因。咁後生發生啲咁嘅事,佢應該都走唔甩……佢都有佢可憐嘅一部分。」

「如果我能夠阻止到佢傷害人⋯⋯我內心開心一世。」善良、悲憫、慷慨、 無私、同理心。廚師大哥提醒我們,這是香港民眾。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads